G. N. Maxmudova innovatsion iqtisodiyot

 
Intellektual mulkni Oʻzbekistonda muhofazalash 
Oʻzbekistonda Milliy Patent tizimi yaratilish tarixiga nazar soladigan 
boʻlsak, 1992-2011 yillar – intellektual mulk ob’yektlari muhofazasi bilan 
shugʻullanuvchi vakolatli organlar Davlat Patent idorasi va Mualliflik huquqi 
agentligi tashkil etildi, jahon Patent tizimi amaliy ish tajribasini oʻrganish va 
iqtisodiy oyoqqa turish yillari boʻldi. Ushbu davrda bevosita intellektual 
mulk ob’yektlarini huquqiy jihatdan muhofaza qilish sohasidagi qonunlar 
qabul qilindi, bular: “Tovar belgilari, xizmat koʻrsatish belgilari va tovar 
kelib chiqqan joy nomlari toʻgʻrisida”gi, “Ixtirolar, foydali modellar va 
sanoat namunalari toʻgʻrisida”gi, “EHM uchun dasturlar va ma’lumotlar 
bazalari toʻgʻrisida”gi, “Seleksiya yutuqlari toʻgʻrisida”gi, “Mualliflik 

---

84 
huquqi va turdosh huquqlar toʻgʻrisida”, “Integral mikrosxemalar 
topologiyalarini huquqiy muhofaza qilish toʻgʻrisida”gi kabi qonun 
hujjatlaridan iborat. 
Shuningdek, Oʻzbekiston Butunjahon intellektual mulk tashkiloti 
(BIMT)ga va intellektual mulk sohasidagi 10 dan ortiq xalqaro 
shartnomalarga a’zo boʻldi, hamda xalqaro hamkorlikni rivojlantirdi. 
Oʻzbekiston Respublikasi Prezidentining 2011 yil 24 maydagi “Oʻzbekiston 
Respublikasining Intellektual mulk agentligini tashkil etish toʻgʻrisida”gi 
Qarori bilan Davlat Patent idorasi va Mualliflik huquqi bazalarida 
Oʻzbekiston Respublikasi Intellektual mulk agentligi tashkil etildi. Natijada 
xalqimizning ilmiy-texnikaviy ijod erkinligidan samarali foydalanishi uchun 
yanada kengroq sharoitlar yaratildi. Intellektual mulk sohasida yagona davlat 
siyosatini yuritish, yagona
 
yondashuvni ta’minlash, mamlakatimizning 
ushbu sohadagi xalqaro shartnomalarini tayyorlash va hayotga tatbiq etish 
boʻyicha yaxlit tizim vujudga keldi. 
Oʻzbekiston Respublikasi Prezidentining 2016 yil 20 oktyabrdagi PQ-
2637-sonli “Oʻzbekiston Respublikasining Intellektual mulk agentligi 
faoliyatini takomillashtirish chora-tadbirlari toʻgʻrisida”gi Qaroriga muvofiq 
Oʻzbekiston Respublikasi intellektual mulk agentligi tarkibiy tuzilmasi 
hamda Oʻzbekiston Respublikasi Vazirlar Mahkamasining 2016 yil 24 
noyabrdagi 394-sonli Qarori bilan Oʻzbekiston Respublikasi Intellektual 
mulk agentligi toʻgʻrisidagi Nizomi tasdiqlandi. Ushbu qarorning asosiy 
maqsadi intellektual mulk ob’yektlarini xalqaro norma va standartlarga 
muvofiq huquqiy himoya qilish tizimini yanada takomillashtirish, unga xos 
boʻlmagan va umrini oʻtab boʻlgan vazifalarni bekor qilish, shuningdek 
Oʻzbekiston Respublikasining Intellektual mulk agentligi faoliyatiga 
zamonaviy interfaol davlat xizmatlarini joriy etishdan iborat.