Г. А. Ихтиярова,Т. Н. Кайпназаров, А. С

2-мавзу: Анорганик бирикмаларнинг энг муҳим синфлари

Оксидлар, Асослар, Кислоталар ва Тузлар
Ҳаммамизга маълумки барча моддалар икки гуруҳга бўлинади: оддий ва мураккаб моддалар.
Оддий моддалар- молекуласи бир хил атом ( элемент) дан тузилган модда.
Мураккаб моддалар (ёки кимёвий бирикмалар)- молекуласи хар хил атомлар (кимёвий элементлар) дан тузилган модда.
Оксидлар, олиниши ва хоссалари
Оксидлар – бири кислород бўлган икки элементдан иборат мураккаб модда.

ОКСИДЛАР
Туз ҳосил қилмайдиган	Индифферент CО, H2О, NО, N2О, СuО
Туз ҳосил қиладиган	Асосли -Ишқорий ва ишқорий йер металл оксидлари ва +1,+2 оксидланиш даражасини намоён этган металлар Nа2О; К2О; МgО; CаО; FеО;CuО
	Амфотер (оксидланиш даражаси +3, +4 бўлган металлар). ZnО; BeО; Аl2О3; Cr2О3; SnО2
	Кислотали -металмас оксидлари ва +5 дан +7 гача бўлган металлар СО2; СО3; P2О5; Mn2О7; CrО3

Оксидларнинг номланиши
Агар элемент бир неча хил оксид ҳосил қилса, уларнинг номини аташда аввал элемент номи айтилади, сўнгра қавс ичида рим рақами билан элементнинг шу оксиддаги валентлиги кўрсатилади-да, дефис қўйилиб, оксид сўзи қўшиб айтилади. Масалан: FеО –темир (II) – оксид, Fе₂О₃ – темир (III) – оксид, SО₂ – олтингугурт (IV) –оксид, SО₃ -олтингугурт (VI) – оксид, Cl₂О₅ - хлор (V) - оксид ва ҳоказо. Оксидларни грек сонлари билан айтиш ҳам мумкин: PbО₂ -қўрғошин диоксид, NО – азот монооксод, NО₂ – азот диоксид. SО₃ - сульфат ангидрид (сульфат кислотага мувофиқ келади), N₂О₅-нитрат ангидрид (нитрат кислотага мувофиқ келади). Баъзи оксидлар алоҳида номланади: SО₂ – сульфит гази, CО₂ – карбонат ангидрид ва ҳоказо.
Мисол тариқасида азотнинг барча оксидлари номини ёзамиз ва қавс ичида эски номини келтирамиз:
N₂О – азот (I)- оксид
NО – азот (II)- оксид ( азот оксид)
N₂О₃ – азот (III) – оксид (нитрит ангидрид)
NО₂ – азот (IV) – оксид, азот диоксид ( азот тўрт оксид )
N₂О₄ - азот (IV) – оксиднинг димери (азот қўш оксид)
N₂О₅ – азот (V) - оксид ( нитрат ангидрид, азот беш оксид)
Олиниши

1. 
   Оддий ва мураккаб моддаларнинг кислород билан таъсиридан:
   

2Мg + О₂® 2МgО

4P + 5О₂® 2P₂О₅
S + О₂®SО₂
2CО + О₂® 2CО₂
2CuS + 3О₂® 2CuО + 2SО₂
CH₄ + 2О₂® CО₂ + 2H₂О
4NH₃ + 5О₂ –^кат.®4NО + 6H₂О

2. 
   Кислородсақлаган мураккаб модда (асос, кислота, туз) ларнинг қиздирилганда парчаланиши:
   

Cu(OH)₂ –^t°® CuO + H₂O
(CuOH)₂CO₃ –^t°® 2CuO + CO₂ + H₂O
2Pb(NO₃)₂ –^t°® 2PbO + 4NO₂ + O₂
2HMnO₄ –^{t°;H2SO4(kоns.)}® Mn₂O₇ + H₂O
Кимёвий хоссалари