М.В.Ломоносов 1756 йилда металларни оғзи кавшарлаб беркитилган идишида (реторта) қиздириш йўли билан бу қонунни тўғрилигини тажрибада исботлади. 1789 йилда француз кимёгари Лавуазье ҳам бу қонунни (Ломоносов ишидан бехабар ҳолда) кашф этди. Лавуазье кимёвий реакцияларда моддаларнинг умумий массаларидан ташқари ўзаро таъсир қилувчи моддалар таркибига кирувчи элементларнинг массалари ҳам сақланиб қолишини кўрсатади.
А.Лавуазье 1781 йилда карбонат ангидрид газини 10 хил усул билан ҳосил қилди ва бу усулларнинг барчасида олинган газ таркибидаги углерод билан кислород массалари орасидаги нисбат (3:8) эканлигини аниқлади. Шундан кейин: ҳар қандай кимёвий тоза бирикмаларни ташкил этувчи элементларнинг массалари ўзгармас нисбатда бўлади, деган хулосага келинди. Бу ҳулоса таркибнинг доимийлик қонунидир. 1803 йилда француз олими Бертолле қайтар реакцияларга оид тажрибалар асосида, кимёвий реакция вақтида ҳосил бўладиган бирикмаларнинг миқдорий таркиблари реакция учун олинган дастлабки моддаларнинг масса нисбатларига боғлиқдир, деган хулосага келди. Француз олими Жозе Луи Пруст Бертолленинг юқоридаги хулосасига қарши чиқди. У кимёвий тоза моддаларни пухта анализ қилди: тоза бирикмаларнинг миқдорий таркиби бир хил бўлишини жуда кўп анализлар билан исботлади. Пруст билан Бертоле орасидаги мунозара 7 йил давом этди. Кўпчилик олимлар Пруст хулосаларини ёқладилар ва натижада 1808 йилда кимёнинг асосий қонунларидан бири таркибининг доимийлик қонуни қуйидагича таърифланди: Ҳар қандай кимёвий тоза бирикма қаерда ва қандай олиниш усулидан қатъий назар ўзгармас миқдорий таркибга эга. Масалан, тоза сув – H2О таркибида 11,11% водород ва 88,89% кислород бўлади. Карбонат ангидрид – CО2 таркибида 27,29% углерод ва 72,71% кислород бўлади.
Италиялик олим Амадео Авогадро (1776-1856) модданинг энг кичик заррачалари молекулалар, элементларнинг энг кичик заррачалари эса атомлар деган фикрни айтди. Унинг таълимотига кўра оддий моддаларнинг молекулалари бир элемент атомларидан, мураккаб моддаларнинг молекулалари турли элементларнинг атомларидан тузилади. Бу билан Авогадро Ломоносовнинг моддаларнинг тузилиши ҳақидаги таълимотни қувватлади ва 1811 йилда қуйидаги қонунини кашф этди. Бу қонун қуйидагича таърифланади: бир хил шароитда (бир хил ҳарорат ва босимда) тенг ҳажмда олинган турли газларнинг молекулалари сони ўзаро тенг бўлади. Берцелиус ва унинг тарафдорлари Авогадро топган қонуниятни эътироф этмадилар. 1860 йилдаги кимёгарлар ҳалқаро съездидан кейин бу гипотеза Авоғадро қонуни деб тан олинди.
1814 йилда Воллостон эквивалент деган тушунчани фанга киритди. Эквивалент сўзи «тенг қийматли» деган маънони англатади. Дальтон элементлар муайян миқдорлардагина ўзаро бирика олади, деган фикрни айтди ва бу миқдорларни «бирикувчи миқдор»лар деб атади.
Элементнинг бир масса қисм водород ёки 8 масса қисм кислород билан бирика оладиган ёки шуларга алмашина оладиган миқдори унинг кимёвий эквиваленти деб аталади. Масалан, магнийнинг эквиваленти 12 га тенг, чунки 8 г кислород 12 г магний билан қолдиқсиз бирикиб 20 г магний оксид ҳосил қилади.
Элементнинг эквивалентини унинг водород ёки кислород билан ҳосил қилган бирикмаси таркиби орқали ёки водородга алмашиниши орқали ҳисоблаб топилади. Шуни ҳам айтиш керакки, бирор элементнинг эквивалентини водород ёки кислород орқали аниқлаш шарт эмас, эквиваленти маълум бўлган бирор элемент билан ҳосил қилган бирикмаси ёрдамида ҳам аниқласа бўлади.
Эквивалент тушунчаси мураккаб моддаларга ҳам тадбиқ қилинади. Мураккаб модданинг водороднинг бир эквиваленти билан ёки умуман бошқа ҳар қандай модданинг бир эквиваленти билан реакцияга киришадиган миқдори шу мураккаб модданинг эквиваленти деб аталади.
Анализ ва ҳисоблашларда, умуман турли реакцияларда, кўпинча элементлар, кислоталар, асослар, тузларнинг эквивалентларини ҳисоблашга тўғри келади.
Элементнинг эквиваленти унинг атом массасини валентлигига бўлиш билан ҳисобланади, элементнинг атом массаси эквивалентининг валентлигига кўпайтмасига тенгдир. Валентлиги ўзгарувчан элементларнинг эквивалентлари ҳам ўзгарувчан бўлади.
Кислота эквивалентини ҳисоблаш учун молекуляр массасини кислотанинг негизлигига бўлиш керак, масалан:
Асослар эквивалентини топиш учун унинг молекуляр массасини шу асос таркибидаги металлнинг валентлилигига бўлиш керак, масалан:
Туз эквивалентини топиш учун унинг молекуляр массасини туз таркибидаги металлнинг умумий валентлигига бўлиш керак , масалан:
Кимёга «еквивалент» тушунчаси киритилгандан сўнг эквивалентлар қонуни қуйидагича таърифланди:
Елементлар (моддалар) бир-бирлари билан ўзининг эквивалентларига пропорсионал миқдорларда бирикадилар.
Бу қонунни қуйидаги тенглама шаклида ифодалаш мумкин:
