Furqat va muqimiy hayoti va ijodi

         AMINXО‘JA MUQIMIY  HAYOTI  VA  IJODIY  MEROSI.  XIX  asrning 

ikkinchi  yarmi  XX  asr  boshlarida  о‘zbek  adabiyotining  kо‘zga  kо‘ringan 

vakillaridan  biri  Muhammad  Aminxо‘ja  Muqimiydir.Muqimiy  hayoti  va  ijodiy 

faoliyatiga munosabati uning hayot chog‘laridayoq boshlangan edi. 

Muqimiy о‘zining shirador va mazmundor g‘azallari bilan о‘z davridayoq xalq 

e’tiboriga  sazovor  bо‘lgan  edi.  Kam  ijod  ahllariga  muyassar  bо‘ladigan  bu  baxt 

uning she’rlarini xalq orasiga chuqur singib ketishida, kuylarga solib kuylanishida, 

avloddan-avlodga о‘tib saqlanib kelishida ham kо‘rish mumkin. О‘sha zamonning 

ilg‘or  shoirlaridan  biri  Mavlaviy  Yо‘ldosh  Muqimiy  о‘limiga  bag‘ishlab  marsiya 

yozgan  va  unda  shoirga  bо‘lgan  xalq  hurmatini  ifoda  qilgan  edi.  Shuningdek, 

О‘ratepadan tojik shoiri Javhariy «Guzorishi holi Muqimiy Farg‘oniy» (Farg‘onada 

Muqimiyning kechirganlari) sarlavhasi bilan kattagina doston yozib, shoir obrazini 

yaratgan edi (XIX asr 2-yarmi). 

XX asrning boshlaridan boshlab, shoir ijodini о‘rganish yangi tus oldi. 1938, 

1943, 1953 yillarda shoir xotirasiga bag‘ishlangan anjumanlar о‘tkazildi. 1958 yilda 

«Tanlangan asarlar»i, 1974 yilda 2 jildlik asarlar tо‘plami nashr etildi. S.Abdulla 

tomonidan «Mavlono Muqimiy» nomli roman yozilib, shoir siymosi qayta jonlandi. 

Aminxо‘ja  Muqimiy  1850  yilda  Qо‘qonda  tavallud  topadi.  Uning  otasi 

Mirzaxо‘ja asli toshkentlik bо‘lib, 1835-36 yillarda otasi Mirfozil bilan borib о‘sha 

yerda  turg‘un  bо‘lib  qolgan  ekanlar.  Shoirning  onasi  xо‘jandlik  Saydolim 

Nodirshayx degan kishining qizi bо‘lib, Mirzaxо‘ja bilan turmush qurib, 5 ta farzand 

kо‘rgan ekanlar. Ularning uchinchisi Muqimiy bо‘lgan. 

Muqimiy  dastlab  maktabda,  sо‘ngra  «Hokim  oyim»  madrasasida  о‘qigani 

ma’lum. Sо‘ngra Buxoro madrasalarida ta’lim olib, 1876 yilda «Xatmi qutub» qilib 

Qо‘qonga  qaytib  keladi.  Tirikchilik  vajidan  dastlab  «Qо‘qon  yer  qurilish 

mahkamasi»da  mirzalik,  sо‘ngra  «Oqjar  poroli»da  pattachi  bо‘lib  ishlaydi. 

Umrining sо‘nggi yillarini «Hazrat» madrasasidan olingan bir kulbada og‘ir xastalik 

bilan qiyinchilikda о‘tkazadi. Shoir 1909 yilning may oylarida vafot etadi.