Фуқаролик процессуал ва иқтисодий процессуал ҳуқуқи” кафедраси томонидан

САВОЛ??? Иш бўйича ҳал қилув қарорини бекор қилишга асос бўлган ҳолатларни топинг. Биринчи инстанция суди йўл қўйган моддий ва процессуал хатоликларни изоҳланг. Оила кодексида кўрсатилган ота-оналик ҳуқуқидан маҳрум қилиш асосларини кенгайтиришга ва кенг талқин қилишга йўл қўйилади(ми)? Суд жазони ўтаётган шахсга даъво аризаси нусхасини юборишга ва ёки ундан ёзма фикр олишга ваколатли(ми)? Ота-оналик ҳуқуқидан маҳрум қилиш, ушбу ҳуқуқни чеклаш, тиклашга оид низолар: ўхшаш ва фарқли жиҳатлари нимада, уларнинг ижроси қандай таъминланади?
5.	Даъвогар Бектурдиев Аъзамжон жавобгар Абдуллаев Абдулазизга нисбатан қарз ундириш ҳақидаги ҳакамлик судининг ҳал қилув қарорини мажбурий ижро этиш учун ижро варақаси бериш ҳақидаги аризаси билан фуқаролик ишлари бўйича туманлараро судга мурожаат қилган. Баён этилишича, Ўзбекистон ҲСА Тошкент шаҳар филиали ҳузуридаги доимий фаолият кўрсатувчи туман ҳакамлик судининг 2017 йил 17 майдаги ҳал қилув қарори билан унинг даъво талаблари тўлиқ қаноатлантирилганлигини, мазкур ҳал қилув қарори нусхаси унга 2017 йил 23 май куни тақдим қилинганлигини, жавобгарга 2017 йил 24 майда мазкур ҳал қилув қарорини ихтиёрий равишда ижро этиш ҳақида таклиф ва ҳал қилув қарорининг тўлиқ матни юборилган бўлса-да, жавобгар томонидан ҳал қилув қарори ихтиёрий равишда ижро этилмаганлигини баён қилиб, аризасини қаноатлантиришни ҳамда ҳакамлик судининг ҳал қилув қарорини мажбурий ижро этиш учун ижро варақаси беришни сўради. Аниқланишича, Ўзбекистон ҲСА Тошкент шаҳар филиали ҳузуридаги туман доимий фаолият кўрсатувчи ҳакамлик суди томонидан кўрилган ҳакамлик судининг 2017 йил 17 май кунидаги ҳал қилув қарорига асосан, жавобгар Абдуллаев Абдулазиз даъвогар Бектурдиев Аъзамжон фойдасига жами 28.820.000 сўм ундирилган. Суд, даъвогарнинг аризаси ва тақдим этилган материалларни ўрганиб чиқиб, шунингдек ҳакамлик судининг ҳал қилув қарорини мажбурий ижро этиш учун ижро варақаси беришни рад этиш асослари аниқланмаганини инобатга олиб, аризани қаноатлантириб, ҳал қилув қарорини мажбурий ижро этиш учун ижро варақаси беришни лозим деб ҳисоблайди.