Фуқаролик процессуал ва иқтисодий процессуал ҳуқуқи” кафедраси томонидан

Тошкент шаҳар 2-сонли Руҳий асаб касалликлар диспансерига (Толипов Бахтулло Носирович ушбу диспансерда рўйхатда туриш ёки турмаслиги тўғрисида ёзма маълумотнома); Тошкент шаҳар Яккасарой туман ФҲДЁ бўлимига (Толипов Бахтулло Носирович 2016 -2019 йилга қадар ўлим тўғрисидаги далолатнома ёзуви қайд этилган ёки этилмаганлиги ҳамда ушбу шахс 2001-2018 йиллар оралиғида бирон бир шаҳс билан қонуний никоҳдан бўлган ёки бўлмаганлигини тўғрисидаги ёзма маьлумот ёхуд гувоҳнома (ўлим ва никоҳда бўлганлик тўғрисидаги) нусхаси (тасдиқланган ҳолда); Тошкент шаҳар Яккасарой туман 1-сонли Давлат нотариал идорасига (Тошкент шаҳар, Яккасарой туман 1- сонли Давлат нотариуси Г.Ш.Равшанова томонидан 20.10.2018 йилда реестр рақами 4141-сон билан расмийлаштирилган олди-сотди шартномасига оид ҳужжатлардан нусха (тасдиқланган ҳолда); САВОЛ??? Уй-жойдан фойдаланиш ҳуқуқини йўқотган деб топиш хақидаги даьво талаби мақсад ва оқибатларини тушунтиринг. Иш бўйича тақдим этилиши мумкин бўлган электрон далиллар доирасини белгиланг. Ишга оид “далилларнинг мақбуллиги” принципини изоҳланг. Юқоридаги органлардан юбориладиган маълумотларнинг аҳамиятини процессуал қонун нормалари асосида шарҳланг, маълумотлар олишнинг муддати белгиланганми, масъул органларнинг Сўров хатларига жавоб беришга доир масъулияти ва жавобгарлиги мавжудми? Суд ҳужжатларини қайта кўриш, суд ҳужжатларини мажбурий ижро этиш босқичларида далилларни таъминлаш мумкин (ми?). Фикрларингизни асослантиринг.
13.	Аризачи Хамитова Шодиёна Мелибоевна судга ариза билан мурожаат этиб, унда фарзанди 1988 йилда туғилган Хамитов Асрор Махкамовични муомалага лаёқатсиз деб топишни сўраган. Суд мажлисида Ш.Хамитова аризани қувватлаб, фарзанди Асрор болаликдан ногиронлигини, тиббий шифокорлар ташхисига кўра, унга ақлий заифлик ташхиси қўйилганлигини, 2010 йилдан бери меҳнатга лаёқатсизлигини, 2-гуруҳ ногирони эканлигини, ўзгалар парваришига муҳтожлигини, уни ҳозирда қараш учун ўзидан ташқари ҳеч кими йўқлигини, даволаш бўйича кўрилган чоралар натижа бермаганлигини баён қилиб, суддан фарзанди 1988 йилда туғилган Хамитов Асрор Махкамовични муомалага лаёқатсиз деб топишни сўради. Судга Тошкент шаҳар Яшнобод туман Тиббиёт бирлашмаси вакили Я.Яминов ўзининг аризаси билан мурожаат килиб, унда 1988 йилда туғилган А.Хамитовни муомалага лаёқатсиз деб топиш мақсадга мувофиқлигини, чунки экспертиза хулосасига кўра, у руҳий касаллигини, ўзга шахсларнинг қарамоғига муҳтожлигини кўрсатиб, суд мажлисини унинг иштирокисиз ўтказилишини сўраган. Суд ишни Тошкент шаҳар Яшнобод туман Тиббиёт бирлашмаси вакилининг иштирокисиз кўриб чиқди. Суд, аризачи, тиббиёт бирлашмаси вакилининг ёзма фикри ҳамда Яшнобод туман прокурори ёрдамчисининг аризани қаноатлантириш хақидаги фикрини тинглаб, иш ҳужжатларини ўрганиб чиқиб, мавжуд асосларга кўра, аризани қаноатлантиришни лозим топди.