Фуқаролик процессуал ва иқтисодий процессуал ҳуқуқи” кафедраси томонидан

Вазиятга ҳуқуқий баҳо беринг. Судьянинг ҳаракатлари тўғри (ми?) Судьянинг ажрими устидан шикоят бериш ёки протест келтириш тартиби қандай? Процессуал қонун ҳужжатларида суд харажатлари билан боғлиқ қандай процессуал имтиёзлар бор? Изоҳланг. ФПКнинг 132-моддаси ишни кўриш билан боғлиқ бўлган чиқимларда “Суд томонидан тан олинган бошқа зарур харажатлар» берилган. Ушбу процессуал қоидани шарҳлаб беринг.
15.	Даъвогар Машрабов Рамиль Холбўтаевич жавобгар Жовлиев Шухратжон Абдусаид ўғлига нисбатан қарз суммасини ва давлат божини ундириш ҳақидаги даъво аризаси билан судга мурожаат қилган. Иш бўйича сиртдан ҳал қилув қарори чиққан. Жавобгар сиртдан чиқарилган ҳал қилув қарорини бекор қилиш ҳақида ариза тақдим этган. Аризада қуйидаги важларни келтирган: Судга чақирув қоғозини ўз вақтида олмаганлигини; Суд муҳокамасининг музокара қисми вақтида судга келганлигини ва унга умумий тартибда ишни кўришга рухсат беришмаганлигини, иш икки кундан буён сиртдан кўрилаётганлиги маълум бўлганлигини; Талабни процессуал қонунчилик бўйича дарҳол буйруқ тартибида тарафлар иштирокисиз кўриш мумкинлигини эшитганлигини кўрсатди. Аризани кўриш бўйича суд мажлисида даьвогарнинг адвокати А.Азизова ариза талабларини тан олмай, жавобгар суд мажлиси ҳақида тегишли тартибда хабардор қилинганлигини, у сиртдан чиқарилган ҳал қилув қарорини бекор қилишга қарши эканлигини таъкидлаб, суддан ариза талабларини рад қилишни сўради. Аризачи Ш.А.Жовлиев яна суд мажлисининг вақти ва жойи тўғрисида тегишли огоҳлантирилган бўлишига қарамай суд мажлисига келмади ва келмаслик сабабини судга билдирмади. Шу боис, суд мазкур ариза муҳокамасини Ўзбекистон Республикаси ФПКнинг тегишли нормасига асосан аризачи Ш.А.Жовлиевнинг иштирокисиз кўриб чиқишни лозим топади. Суд аризани ўрганиб ва даьвогарнинг адвокати А.Азизованинг тушунтиришларини тинглаб, аризани қаноатлантиришни рад қилишни лозим деб топади.