Фуқаролар учун бюджетни

6. Давлат дастурлари. 
Мамлакатимизда ҳар бир йил учун устуворликларни 
аниқлаб олиш ва тегишли соҳани ривожлантириш бўйича аниқ мақсадга қаратилган 
давлат дастурларини қабул қилиш ўзига хос анъанага айланди. Ушбу дастурлар 
харажатларининг анча қисми Давлат бюджетидан молиялаштирилади, ушбу дастурларни 
амалга ошириш натижалари фуқароларнинг фаровонлигига бевосита таъсир кўрсатади. 
Йиллик давлат дастурларидан ташқари кўп йиллик дастурлар қабул қилинади. Уларнинг 
амалга оширилиши ҳам аҳолининг фаровонлигига таъсир кўрсатади. Ушбу бўлимда 
дастурларнинг мақсадлари, молиялаштириш манбалари, дастурни амалга ошириш 
натижасида фойда оладиган мақсадли гуруҳлар, дастурнинг режалаштириладиган ва 
эришилган натижалари кўрсатилади. Масалан, бу йил қабул қилинган 2017-2021 йилларда 
Ўзбекистон Республикасини ривожлантиришнинг бешта устувор йўналиши бўйича 
Ҳаракатлар стратегиясида давлат сиёсатининг устуворликлари белгилаб берилади. Мазкур 
устуворликлар доирасида жамоатчилик назорати механизмларини амалга ошириш, 
фуқаролик жамияти институтлари ва оммавий ахборот воситалари ролини ошириш, 
ижтимоий ҳимоя тизимини ва фуқаролар саломатлиги муҳофазасини такомиллаштириш 
каби вазифалар қўйилади.
7. 
Бюджет 
терминологияси 
(глоссарий). 
Бунда 
бюджет 
жараёнида 
ишлатиладиган махсус сўзлар ва тушунчалар рўйхати ҳамда уларнинг мутахассис 
бўлмаган шахсларга мўлжалланган изоҳи келтирилади. 
8. Алоқа қилиш учун ахборот. 
Ушбу бўлимда Молия вазирлигининг масъул 
кичик бўлими, ходими, у билан боғланиш мумкин бўлган маълумотлар (телефон, электрон 
почта), шунингдек, Молия вазирлигининг юридик манзили кўрсатилади. Фуқаролар учун 
бюджетда боғланиш учун маълумотларнинг бўлиши жуда муҳим аҳамиятга эга, чунки 
фуқаролар масалалар, истаклар ва изоҳлар бўлганда кимга мурожаат қилишни билишлари 
керак.