Fransiya G’aznachilikning asosiy vazifalari,bo’linmalarining funksional vazifalari

Fransiya G’aznachilikning asosiy vazifalari,bo’linmalarining funksional vazifalari .

Reja:
Kirish

1. 
   Fransiya g’aznachilik tizimi.
   
2. 
   Fransiya g’aznachiligining asosiy vazifalari.
   
3. 
   Fransiya g’aznachiligi bo’linmalarining funksional vazifalari.
   

Xulosa .
Foydalanilgan adabiyotlar ro’yxati.
Ilovalar.

Kirish
Mamlakatimiz iqtisodiyotida sodir bo’layotgan tarkibiy o’zgarishlar, butun moliya tizimida, uning markaziy bo’g’ini bo’lgan davlat moliyasida amalga oshirilayotgan islohotlar davlat moliyasini boshqarish masalalarida muayyan bilim va ko’nikmalarga ega bo’lish zarurligini talab qilmoqda. Bunday sharoitda nafaqat davlat moliyasi haqidagi ma’lum nazariy bilimlarga ega bo’lgan, balki davlat byudjeti g’azna ijrosi jarayonlarida vujudga keladigan holatlarni tushuna oladigan, byudjet ijrosi ishtirokchilari bo’lgan moliya organlari, g’aznachilik bo’linmalari, byudjet tashkilotlari va byudjetdan mablag’ oluvchilar amaliy faoliyatini samarali tashkil qila oladigan, davlat mablag’larini samarali boshqarishga qaratilgan boshqaruv qarorlarini qabul qila oladigan zamonaviy mutaxassislar tayyorlash birinchi darajali ahamiyatga egadir. Shu sababli davlat moliyasi uchun tashabbuskor, ijodiy fikrlaydigan mutaxassis kadrlarni tayyorlashda byudjet-moliya va byudjetning g’azna ijrosi nazariyasi va amaliyotini o’rganishga muhim o’rin beriladi.
Mamlakatda davlat moliyasini boshqarishni, jumladan davlat byudjetini ijro etishda asosiy mexanizmlardan hisoblangan G’aznachilik tizimini tashkil etish va shakllantirishda xorijiy mamlakatlarining tajribasi muhim o’rin egallaydi. O’zbekiston ular tajribasidan oddiy nusxa olmaydi, chunki mamlakatimiz davlat boshqaruvini tashkil etish, iqtisodiy va huquqiy munosabatlarni boshqarish sohasida o’ziga xos yo’nalishga ega. Biroq, bu hol g’aznachilik tizimini tashkil etish va rivojlantirish borasidagi xalqaro tajribani o’rganishning ahamiyatini umuman pasaytirmaydi¹
Rivojlangan mamlakatlar amaliyotidagi davlat byudjetining g’azna ijrosi tajribasini O’zbekistonda joriy etish va rivojlantirish, davlat moliyaviy resurslarini boshqarishning axborotlashtirilgan tizimini joriy etish davlat moliyasining holati to’g’risida tezkor va ishonchli axborotlar olish imkonini beradi, bu esa davlat moliyasini samarali boshqarishni ta’minlaydi.²
Har bir davlat o’z funktsiyalarini muvaffaqiyatli bajarishi uchun, shuningdek, rivojlanishning har bir bosqichida dolzarb bo’lgan strategic maqsadlarni amalga oshirishi uchun mamlakatda yaratilgan moliyaviy resurslarning ma’lum bir qismini o’z qo’lida to’plashi kerak. Aynan shu zaruriyat davlat budjetining yuzaga kelishini va uni amalga oshirishga olib keladi.Mamlakatimizda moliya tizimni nazorat qilish va g’aznachilikning tizmining butun respublika bo’ylab tatbiq qilishda xorij davlatlarini g’aznachilik tizimini o’rganib tahlil qilib keyin mamlakatlarimizda o’zimizni milliy g’aznachiligimizni yulga qo’yilgan .Xorij tajribalarini o’rganishdan maqsad optimal g’aznachilik tizimini yaratish va ular qilgan xatolarni qilmasdan tezroq g’aznachilik sohasini rivojlantirish. Bizning g’aznachiligimiz Fransiya g’aznachiligi tizmiga yaqinroq ko’rinishda shuning uchun men ushbu kurs ishimda Fransiya g’aznachilik tizmini kengroq o’rganishga harakat qilaman.
Frantsiyada moliya yili kalendar yiliga mos bulib, u boshqa rivojlangan mamlakatlardan markazlashish darajasining yuqoriligi bilan ajralib turadi.Markaziy byudjet (umumiy byudjet, turli davlat tashkilotlari qo’shma byudjetai va xazinachilikning maxsus hisobvaraqlari kabilarni o’z ichiga oluvchi davlat byudjeti) butun moliya tizimining 80 foizga yaqin daromad va xarajatlarini o’zichiga oladi³.
“G’aznachilik-davlatning moliyaviy resurslarini boshqarishning yangi usulidan foydalanishdir. Davlat byudjetining barcha daromadlarini jamlash va taqsimlashdagi yangicha tamoyil va mexanizmlarni amalga qo’llashdir. Qolaversa,
byudjetning xar bir so’mini oqilona ishlatishni ta’minlovchi yangicha mexanizmdir. Hozirgi kunda ko’plab horijiy davlatlarda, jumladan, Frantsiya,Shvetsiya, AQSh, Germaniya, Buyuk Britaniya, Rossiya Federatsiyasi va boshqa mamlakatlar byudjet ijrosini g’aznachilik tizimi orqali amalga oshiriladi”