Foydali qazilmalarni boyitish jarayonlari

 

---

261 
5.4. Magnit usulida boyitishga tayyorlash 
Magnitli boyitishdan oldingi tayyorlov operatsiyalariga g‘alvirlash, 
changsizlantirish, 
shlamsizlantirish, 
magnitlash, 
magnitsizlantirish, 
quritish va kuydirish operatsiyalari kiradi. Tayyorlov operatsiyalarini 
qo‘llash lozimligi boyitiladigan rudaning xossalari va separatsiya
jarayoni sharoitlari bilan belgilanadi.
G‘alvirlash.
G‘alvirlash operatsiyasi quruq magnitli separatsiyadan 
oldin dastlabki mahsulotni yiriklikning ikkita sinfiga ajratish uchun 
qo‘llaniladi. Magnit kuchi magniti tizim qutblaridan chiqarib yuborilishida
keskin kamayadi. Bu tasniflanmagan materialni boyitishda magnit 
kuchining rudaning juda yirik va juda mayda bo‘laklariga har xil ta'sir 
qilishiga olib keladi. Rudani oldindan g‘alvirlash operatsiyasi 
boyitiladigan mahsulotda zarralar yirikligining yuqori va pastki 
chegaralarini yaqinlashtirish imkonini beradi.
Odatda, magnitli separatsiyadan oldin dastlabki ruda g‘alvirlash 
yordamida yiriklikning ikkita sinfiga bo‘linadi, qaysiki yoki alohida 
boyitiladi yoki faqat yirik sinf quruq usul bilan boyitiladi. -25+0 mm 
yiriklikdagi kuchli magnitli rudalarni (magnetitli yoki titanomagnetitli) 
boyitishda -25+10 mm va -10+0 mm sinflar olinadi, -5+0 mm yiriklikdagi 
kuchsiz magnitli (marganetsli) rudalarni boyitishda esa -5+2 mm va -
2+0mm sinflarni alohida boyitishda yaxshi natijalarni kutish mumkin.
Boyitiladigan sinflar yirikligini (g‘alvir to‘ri teshiklari o‘lchamini) 
tanlash faqat aniq belgilangan separatorning magnit tizimini emas, balki 
anqi belgilangan kon rudalarining xususiyatlarini, masalan, qoplanganlik 
ko‘rinishini, saralab yemirishga qodirligini, turli yiriklikdagi maydalangan 
ruda zarralarida foydali mineral taqsimlanishi qonunlarini, keskin 
farqlanishini belgilaydi.
Kuchli magnitli rudalarni quruq magnitli separatsiyalashda oldindan 
g‘alvirlanmaydigan juda oddiy sxemalar ham qo‘llaniladi. Oldindan 
g‘alvirlash texnologik ko‘rsatkichlar o‘sishidagi samara sxemalar 
murakkablashuvi bilan bog‘liq bo‘lgan xarajatlardan yuqori bo‘lgan 
holatda qo‘llaniladi.