Formulalar bilan ishlash

Interfeys (inglizcha interface) – Ikkita narsaning bir-biri bilan aloqa qilishi uchun
xizmat qiladigan, bog‘lovchi tizim. Aynan dasturga oid ma’nosiga ko‘ra, dastur bilan
foydalanuvchi o‘rtasidagi bog‘lovchi tizim ya’ni dasturning insonga tushunarli
ko‘rinadigan qismi.
Yuqorida, markazda Документ1 – Microsoft Word yozuvini ko‘rishimiz mumkin. Документ1 yozuvi word dasturi tomonidan yangi yaralgan hujjat uchun beriladigan standart nom hisoblanadi. Bu nom toki biz hujjatni kompyuterning asosiy xotirasiga saqlamagunimizcha o‘zgarmaydi. Qisqacha qilib aytganda word dasturini ochishingiz bilan dasturda yangi hujjat yaraladi va unga avtomat tarzda Документ1 nomi beriladi. Chapda esa Tezkor o‘tish paneli joylashgan. Ushbu panel o‘ta moslashuvchan ya’ni siz uni bemalol o‘zingizga qulay qilib, moslashtirib olishingiz mumkin. Mavzularimiz davomida biz ushbu panelni o‘z ehtiyojlarimizga qarab, moslashtirish ustida albatta ish olib boramiz va siz ushbu panelning qanchalik qulay va foydali ekanligiga o‘zingiz guvoh bo‘lasiz. Tezkor o‘tish panelining shundoqgina tagida birinchi bo‘lib turgan va word dasturining asosiy tugmalaridan bo‘lgan Файл – Fayl menyusi tugmasi joylashgan. Bu yerdan fayl bilan amalga oshiriladigan barcha funksiyalarni topishimiz mumkin. Menyu punktlari orasidagi ayrim punktlarda punkt nomidan keyin strelka (1-rasmda, qizil aylanaga olingan) borligini ko‘rishimiz mumkin. Ushbu strelkalar punkt ichida yana qo‘shimcha funksiyalar borligini bildiradi. Bulardan tashqari pastda word sozlamalar tugmasini ham ko‘rishimiz mumkin (1-rasmda, qizil to‘rtburchakka olingan).