Fizikaning hozirgi zamon ta’limidagi o’rni

ЛАБОРАТОРИЯ МАШҒУЛОТЛАРИНИ ЎТИШГА ДОИР АЙРИМ МУЛОҲАЗАЛАР 
Ш.Эшқувватов Самарқанд давлат университети
Лаборатория ишларини бажариш физика фанини ўрганишда нихоят муҳимдир. Таълим 
муассасаларининг замонавий ўқув–лаборатория жиҳозлари, кўргазмали қуроллар ва ахборот-
коммуникацион техналогиялар билан жадал суръатлар билан таминланиб бориши ўқитувчилар 
билим самарадорлигини ошириб боришда муҳим восита бўлиб, ҳизмат қилади. Ушбу ўқув 
воситаларни дарс жараёнига унумли қўллаш бугунги кун ўқитувчисидан нафақат илмий 
билимларни балки техник воситалар билан мукаммал ишлай олиш кўникмаларига эга бўлишни 
ҳам талаб этилади. 
Бизнинг назаримизда аксарият ҳолларда лаборатория машғулотларини ўқитишда 
ўқитувчи қатор қийинчиликларга дуч келади. Чунки замонавий техник воситаларни ишга 
тайёрлаш, уларни ишлатиш ва кутилган натижаларни олишда айрим ўқитувчиларнинг 
кўникмалари етарли эмас. Бу эса ўз навбатида лаборатория машғулотини юзаки ўтилишига 
олиб келади. 
Лаборатория машғулотларида техник воситалардан унумли фойдаланиш талабанинг 
ўзлаштириш самарадорлигини кескин оширади, уни мустақил ишлаб, ўзига ишонч ҳосил 
қилиш тўйғусини ривожлантиради. Агар талаба шу фанга нисбатан ўзида ишонч ҳосил қилса, 
у албатта ижобий натижаларга эришади. Кўргазмали жиҳозлардан фойдаланиб ўтилган 
мавзуни кейинги дарсда сўралганда талаба жавоб беришда қийналмайди. Чунки техник 
воситалар орқали уларнинг қизиқишини, этиборини қозониш мумкин.Талабада қизиқишни, 
ҳоҳишни ўйғата олсак, диққатини торта олсак унинг билим даражаси тобора юксалиб боради 
ва мустақил ишлаш, ўрганиш хиссиёти шакилланади.
Талабаларга физика фанидан лаборатория машғулотларини ўргатишда уларда тасаввурни 
шакиллантириш ҳам муҳим омиллардан биридир. Чунки физик жараённи тасаввур этмай туриб, 
уни ўрганиш, моҳиятини тушуниш ва таҳлил қилиш жуда қийин кечади.
Бугунги кунда физика лабораторияларида ишлаётган техник ҳодимларининг билим 
куникмаларини таълаб даражасида деб бўлмайди. Уларнинг аксарияти лаборатиория 
жиҳозлари билан ишлаш борасида етарли тушунчага эга эмас. Бу ҳам ўз навбатида физика 
фанидан ўтилаётган лаборатория машғулотларини самарадорлигини сусайтиради. 
Бизниннг фикримизча юзага келган Ушбу муаммоларни ечимини топиш учун қатор 
ишларни амалга ошириш зарур деб ҳисоблаймиз.