Fizikadan masalalar to’plami

6§. Ikki jismning harakati.

92. 
    Bir nuqtadan bir yo’nalishda ikki jism harakatlanishni boshladi. Birinchisi tekis 5 ^m/­_s tezlik bilan, ikkinchisi 2 ^m/_s² tezlanish bilan harkatlanishni boshlagan bo’lsa, u necha sekunddan so’ng birinchi jismni quvib yetadi?
    

93. 
    Yo’lovchi poyezd eshigigacha yetishiga 15m qolgan vaqtda poyezd joyidan 0,5^m/_s² tezlanish bilan harakatlanishni boshladi. Buni ko’rgan yo’lovchi 4^m/­_s tezlik bilan yugurishni boshladi. Yo’lovchi poyezd eshigini necha sekunddan so’ng quvib yetadi ?
    

94. 
    5 ^m/­_s tezlik bilan tushayotgan aerostatdan yerga nisbatdan yuqoriga qaratib 10 ^m/­_s tezlik bilan tosh otildi. Tosh qancha vaqtdan so’ng aerostat bilan bir balandlikda bo’ladi? g =10^m/_s²
    

95. 
    Bir vertikal chiziqda bir-biridan 20 m masofada ikkita tosh turibdi. Qandaydir vaqt oralig’ida yuqoridagi tosh pastga 2 ^m/­_s tezlik bilan otildi, shu vaqt momentida pastdagi tosh erkin tashlab yuborilgan bo’lsa, ular necha sekunddan so’ng to’qnashadilar?
    

96. 
    Yer sirtidan qandaydir balandlikda turib qolgan vertalyotdan 1 s vaqt oralig’i bilan ikki jism erkin tashlab yuborildi. Birinchi jism tashlangandan 4 s o’tgach bu jismlar orasidagi masofa qanday bo’ladi? g =10^m/_s²
    

97. 
    Jism yuqoriga 4 ^m/­_s tezlik bilan otilgan tosh eng baland nuqtaga chiqqan paytda, boshlang’ich nuqtadan o’shanday tezlik bilan ikkinchi jism otildi. Bu ikki jim boshlang’ich nuqtadan qanday masofada to’qnashadi(sm). g =10^m/_s²
    

98. 
    Jism 3,2 m balandlikdan tushmoqda. Bir vaqtning o’zida pastdan yuqoriga qaratila ikkinchi jism shunday tezlik bilan otildiki, uning tezligi birinchi jism yerga urilganidagi tezligidan 1,5 marta kichik bo’lar edi. Sharlar qanday balandlikda to’qnashadi(sm)? g =10^m/_s²
    

99. 
    Lift pastga 5 ^m/_s² tezlanish bilan tushayapti. Agar liftning balandligi 2,5 m bo’lsa ,uning shiftidan tushishni boshlagan jism lift poliga qachon tushadi(s)? g =10^m/_s²
    

100. 
     Yo’lovchidan poyezd eshigigacha 25 m qolgan, poyezd joyidan 0,5 ^m/_s² tezlanish bilan harakatlanishni boshladi. Buni ko’rgan yo’lovchi o’zgarmas tezlik bilan yugurishni boshladi. Yo’lovchi poyezd eshigini qanday eng kichgina tezlik bilan yugursa quvib yetadi ?
     

101. 
     Ikki jism bir to’g’ri chiziq bo’ylab bir-birga qarama-qarshi yo’nalishda, 10 va 20 ^m/­_s boshlang’ich tezlik va harakat yo’nalishlariga qarama-qarshi yo’nalgan 2 va 1 ^m/_s² tezlanish bilan harakatlana boshladi. Ular orasidagi masofa ko’pi bilan qanday bo’lganda ular hali harakatlanayotgan vaqtda uchrashishadi.