Fizikadan masalalar to’plami

15 km/h tezlik bilan harakatlanganda avtomobilning tormozlanish yo’li 1,5 m ga teng. Agar avtomobilning tezligi 90 km/h ga teng bo’lsa uning tormozlanish yo’lini toping. Ikkala holatda ham tezlanish bir xil deb olinsin.

53. 
    Shayba muz ustida 0,5 m/s² tezlanish bilan harakatlana oladi. Agar shayba 100 m o’tib to’xtashi uchun uni qanday boshlang’ich tezlik berish kerak?
    

54. 
    Tekis harakatlanayotgan poyezddan oxirgi vagon ajratilgandan so’ng, oxirgi vagon tekis sekinlanuvchan harakatlanishni boshladi va biror vaqtdan so’ng to’xtadi. Shu vaqt ichida poyezdning va vagonning bosib o’tgan yo’llarini nisbatini toping.
    

55. 
    200 m/s tezlik bilan harakatlanayotgan o’q 20 sm qalinlikdagi taxtani teshib o’tgach 100 m/s tezlikka ega bo’lgan bo’lsa uning taxtacha ichidagi tezlanishini toping(km/s²).
    

56. 
    Jism 1 s ichida 10 m yo’l bosdi va boshlang’ich tezligiga nisbatdan to’rt marta katta tezlikga erishdi. Jismning tezlanishi qanday bo’lgan?
    

57. 
    Jism 0,5 m/s² tezlanish bilan harakatlanib 60 m yo’lda tezligini 4 marta oshirdi. Jismning boshlang’ich tezligini toping.
    

58. 
    Chang’ichi 180 m uzunlikdagi tepalikdan sirpanib tushdi. Agar chang’ichining boshlang’ich tezligi 4 m/s va tezlanishi 0,5 m/s² ga teng bo’lsa, chang’ichi tepalikdan tushish uchun necha sekund sarflaydi?
    

59. 
    Jism tinch holatdan tekis tezlanuvchan harakatlana boshladi. Jism harakatlana boshlagandan so’ng harakatning 5-sekundida 27 m masofa bosgan bo’lsa, uning tezlanishini toping.
    

60. 
    Avtomobil tekis tezlanuvchan harakatlanib, 5-sekundning oxirida 36 km/h tezlikka erishadi. Avtomobil harakatining 3-sekundida bosib o’tgan yo’lini toping.
    

61. 
    Jism tinch holatdan tekis tezlanuvchan harakatlana boshladi. Jismning ikkinchi sekundda bosib o’tgan yo’li uning birinchi sekunddagi bosgan yo’lidan necha marta katta?
    

62. 
    Jism to’gri chiziqli, o’zgarmas tezlanish bilan harakatlanib 5-sekundda 5 m masofa bosib to’xtadi. Jism shu harakatning ikkinchi sekundida qanch yo’l bosadi?
    

63. 
    Jism bir yo’nalishda o’zgarmas tezlanih bilan harakatlanib ketma-ket keladigan davomiyligi 2 s dan bo’lgan vaqtda 16 m va 8 m yo’l bosdi. Harakatning birinchi bosqichi boshidagi tezligini toping.
    

64. 
    Jismga boshlang’ich 10 m/s tezlik berilgandan so’ng u o’zining tezlik yo’nalishiga teskari yo’nalgan 2 m/s² tezlanish bilan harakatlanishni boshladi. Uning 8 s ichidagi bosgan yo’lini toping.