Fizika” yo’nalishi 19. 10-guruh talabasi Malikova Xursanoyning

Ishning dolzarbligi: Fanning turli sohalarini uzluksiz rivojlantirib borishda
yangi axborotning nihoyatda tez ko’payishi hozirgi zamon uslubiyati oldiga juda
katta qiyinchilik va muammolarni qo’ydi. Ta’lim oluvchilarni hozirgi zamon
bilimlari bilan tanishtirish va fanni yaxshi o’zlashtirishi uchun nima ishlar qilish
kerakligi dolzarb muammoga aylanib qolmoqda. Bu muammo oldida butun dunyo
pedagog olimlari bosh qotirmoqdalar. Zero prezidentimiz I.A.Karimov
aytganlaridek:
“Farzandlarimiz bizdan ko’ra kuchli, bilimli, dono va albatta baxtli
bo’lishlari shart”.
Ma’lumki, Respublika ta’lim tizimida amalga oshirilayotgan islohotlarning
barchasi kelajakda barkamol avlodni tarbiyalash, kamol toptirishga qaratilgan.
Bu esa o’z navbatida ta’lim jarayoniga yangi zamonaviy pedagogik
texnologiyalarni qo’llashni taqoza etmoqda.
Dissertatsiya ishi mavzusining bunday tanlanishiga sabab fizika ta’limida
yangi pedagogik texnologiyalarni joriy etish orqali ta’lim sifatini oshirish va
yuksak samaralarga erishishning optimal usullarini aniqlash, qolaversa yangi
interfaol usullarni ishlab chiqish va ta’lim jarayoniga tadbiq etishdir.
Ishning maqsadi va vazifalari: Fizikani o’qitish jarayonida yangi
pedagogik texnologiyalarni qo’llash, dars o’tish jarayonida aynan dars mavzusiga
mos interfaol metodlarni qo’llay olish va yangi interfaol metodlarni ta’lim tizimiga
joriy etishdan iborat. Bu maqsadlarga erishish uchun quyidagi vazifalar qo’yildi:
1.Fizika ta’limida yaxshi samara beradigan pedagogik texnologiyalarni aniqlash.
2.Tanlab olingan interfaol metodlarni mos mavzularga qo’llash
texnologiyasini ishlab chiqish.
3.Bu interfaol metodlarni dars jarayoniga qo’llab sinovdan o’tkazish, tahlil
etish va yaxshi samara bergan usullarni tanlab olish.
Tadqiqotning ilmiy yangiligi: fizika ta’limida bir nechta interfaol
metodlarni qo’llash loyihasi ishlab chiqilgan, sinovdan o’tkazilgan. Fizikani
o’qitishda qo’llash mumkin bo’lgan yangi usullar kiritilgan.