Boshlang‘ich sinflarda ‘‘Interfaol usullardan foydalanish

Boshlang‘ich sinflarda ‘‘Interfaol usullardan foydalanish

Pedagogik texnologiyada o‘quvchilarning fikrlash qobiliyatini o‘stirishda erkin va teran fikrlashga,o‘z fikrlarini ravon ifodalashga o‘rgatishda interfaol metodlarning ahamiyati naqadar beqiyos ekanligi allaqachon o‘z tasdig‘ini topgan. O‘qituvchi har bir foydalanadigan interfaol usulni o‘quvchiga nima berishini oldindan ko‘ra olishi va darsni to‘g‘ri tashkil qilishi kerak.Interfaol usullar juda ko‘p.Ulardan bittasi zinapoya usuli.Bu usuldan deyarli har bir darsda foydalanish mumkin. Bu usulni amalda qo‘llash tartibi quyidagicha:

Zinapoya chizilgan ko‘rgazma quroli xattaxtaga ilib qo‘yiladi.Matematika darslarida foydalansak,bir-biriga o‘xshash misollar zinalarda berilib ikkita guruh bajarishi mumkin.2 ta ko‘rgazma qurol bo‘lsa,4ta guruh misollarni musobaqa tarzida bajarish imkoni yaratiladi.Bu 2-sinf ona tili darslarida zinaning bir tomoniga birinchi guruh Kim? so‘rog‘iga javob bo‘lgan so‘zlarni,yana bir tomoniga ikkinchi guruh Nima? so‘rog‘iga javob bo‘lgan so‘zlarni tez,xatosiz,husnixat asosida yozib bosh zinaga qaysi guruh chiqsa,shu guruh g‘olib bo‘lishi aytiladi.O‘qish darslarida bo‘limda she’rlarni, asrlarni, maqollarni,tez aytishlarni,asardagi salbiy,ijobiy qahramonlarni ham zina orqali musobaqa qilib topish mumkin.Odobnoma darslarida ham zinaning o‘ng tomoniga yaxshi fazilatlar,chap tomoniga yomon fazilatlar,yana shu tarzda sog‘liqqa foydali harakatlar-zararli harakatlar tarzida qo‘llash mumkin.
Zinapoya usuli eng oson,qulay usul bo‘lib hech bo‘lmaganda shu usulni har bir darsda qo‘llab dars samaradorligini oshishini sezishingizni barcha kasbdoshlardan so‘rab qolaman.Chunki bu usulda o‘quvchilarning barchasi darsda qatnashadi,jamoa bo‘lib ishlash va yakka o‘zining jamoaga ta’sirini o‘zlari anglab oladilar.
Interfaol metodlarning ko‘pchiligini o‘z ish faoliyatimda qo‘lladim.Bularning hammasi ham o‘ziga xos,lekin zinapoya usulini tashkillashtirish, tushuntirish, shartlari uchun ham vaqt juda kam sarflanadi.Dars o‘tilgan faol qatnashgan o‘quvchilar rag‘batlantirish ham katta ahamiyatga ega.Bunda rag‘bat kartoshlari ham har xil bo‘lishi mumkin.M:bayroqcha,mevalar,yulduzcha,har xil qiyofalar ko‘rinishida ham bo‘lishi mumkin.
Zinapoya usulida ham savollar uyda tayyor qilib olib boriladi.