«fizika va kimyo» kafedrasi hayvonlar biokimyosi

Ishning borishi
: 1.Oltita probirka olib,ularni 0, 1, 2, 3, 4, 5 raqamlari bilan 
belgilanadi. 2. 0 raqamli probirkaga 10 ml distillangan suv, 1, 2, 3, 4 nomerli 
probirkalarga 5 ml dan suyultirilgan fosfat eritmalaridan (1, 2, 3, 4 – eritmalardan), 
5 probirkaga 0,5 ml qon zardobi, 0,75 ml distillangan suv va 3,75 ml asosiy fosfat 
eritmasidan solinadi. 3. 5-probirkadagi suyuqlikar aralashtiriladi, so‘ngra shu 
probirkadan 1, 2, 3, 4- probirkagalarga 0,5 ml dan, 0 raqamli probirkaga 1 ml 
aralashmadan solinadi va probirkalar chayqatiladi. 4. 15 minutdan keyin 1, 2, 3, 4- 
probirkalardagi eritmalarning optik zichligi fotoelektro kolorimetrda – qizil 
yorug‘lik filtri bilan aniqlanadi. 0 raqami probirkadagi eritma kontrol sifatida 
ishlatiladi. 5. 1, 2, 3, 4- probirkalardagi aralashmalarning optik zichligi 
aniqlangandan keyin, oqsil frakstiyalari hisoblanadi. Birinchi probirkadagi 
aralashmaning optik zichligidan ikkinchi probirkadagi aralashmaning optik 
zichligini ayirib tashlanadi. Optik zichliklarning farqi albuminlarning optik 
zichligiga to‘g‘ri keladi. Ikkinchi probirkadagi aralashmaning optik zichligidan 
uchinchi probirkadagi aralashmaning optik zichligi ayirib tashlanadi. Bu farq alfa – 
globulinlarning optik zichligini ko‘rsatadi. Uchinchi probirkadagi aralashmaning 

---

optik zichligidan to‘rtinchi probirkadagi aralashmaning optik zichligi ayirib 
tashlanadi.Bu optik zichliklarning farqi betaglobulinlarning optik zichligini 
ko‘rsatadi. So‘ngra 1 va 4 probirkalardagi aralashmalarning optik zichliklarnining 
farqi qo‘shiladi va yig‘indisini 100% deb olib, har bir oqsil frakstiyasini nisbiy 
foizi hisoblanadi. Har bir frakstiyani gramm-foizi hisoblanadi. Buning uchun 
umumiy oqsillarning miqdori refroktometrik usul bilan topiladi. Oqsilarning 
umumiy miqdorini 100% deb olib,har bir oqsil frakstiyalarini nisbiy foizidan, 
frakstiyalarning absolyut foizi hisoblab topiladi.