Физика фани ўқув хонаси ва лаборатория хоналарининг жиҳозланиш талаблари ва хавфсизлик техникаси қоидалари. Физика фанини ўқитишда кўргазма ва тажрибаларни ўтказиш методикаси

Лаборатория ишини бажаришда қуйидагиларга эътибор бериш лозим:

• 
  Иш жараёнида фақат тоза, қуруқ ва бутутн, ишга яроқли асбоб ва жиҳозлардан фойдаланиш лозим.
  
• 
  Асбоб ва жиҳозлардан фойдаланишдан олдин уларнинг йўриқномаси билан мукаммал танишиб чиқиш керак.
  
• 
  Электр ўлчов асбобларини ўқитувчининг рухсатисиз ток манбаига улаш мумкин эмас.
  
• 
  Лаборатория ишининг электр схемасини йиғишда хатоликка йўл қўйиб бўлмайди, акс ҳолда асбоб ишдан чиқиши ва ўқувчининг ҳаётига хавф туғдириши мумкин.
  
• 
  Асбоб ва жиҳозларни столга унинг йўриқномасида кўрсатилгандек ҳолатда ўрнатиш лозим(ётқизилган, тик, бурчак остида ва ҳ.).
  
• 
  Ҳар бир лаборатория ишини йиғиб бўлгандан сўнг , уни албатта ўқитувчи кўриб чиқиши ва унинг рухсати билан ток манбаига уланиши шарт.
  
• 
  Лаборатория ишини бажариб бўлгач, электр ўлчов асбобларини ток манбайидан узишни седан чиқармаслик керак.
  
• 
  Идишларга суюқликларни қиздириш учун уларнинг 1/3 қисмигача суюқлик қуйиш мақсадга мувофиқ.
  
• 
  Моддаларни шиша идишларда қиздирилганда уларни қуруқ ёнилғи алангасига теккизмаслик керак(чунки идиш дарз кетиб синиши мумкин).
  
• 
  Қуруқ ёнилғини ишлатиб бўлгач, уни махсус қопқоқ билан беркитиб ўчириш лозим.
  

Тақиқланади:

• 
  Асбоб ва жиҳозларни йўриқномаси билан тамишмасдан ишлатишга уриниш.
  
• 
  Асбоб ва жиҳозларни ўқитувчи ёки лаборантнинг рухсатисиз олиб ишлатиш.
  
• 
  Электр ўлчов асбобларига сув ва бошқа суюқликлар сепиш, уларнинг ток манбаига уланган қисқичларини қўл билан ушлаш қатъиян ман қилинади.
  
• 
  Тажриба жараёнида асбоб ва жиҳозлар жойлашган тагликка куч билан зарба бериш.
  
• 
  Фан хонасидаги физикавий асбоб ва жиҳозларни бошқаларга бериш.
  
• 
  Фан хонасидаги физикавий асбоб ва жиҳозларни ёки ортиқча буюмларни олиб кетиш.
  
• 
  Тажриба жараёнида (буғланаётган, қайнаб турган) идишни қўл билан ушлаш ва ҳоказо.