Fitoterapiya

Shuning bilan birga fitoterapiyani Respublikamizda rivoj topishida Toshkent farmatsevtika instituti bir qator olimlarining (X.X.Xolmatov, T.P.Pulatova, X.U.Aliev va boshqalar) olib borayotgan ilmiy va amaliy ishlari salmoqlidir. Institut xodimlari tomonidan 10 dan ortiq o‘simlikdan tayyorlangan dori preparatlari tibbiyot amaliyotiga tatbiq etilgan va ular bemorlar dardiga davo qilayapti.

Ma’lumki, fitoterapiya hamma mavjud kasallikga davo ko‘rsata olmaydi. Uning shifobaxsh ta’siri boshqa davo turlari va usullari bilan birga qo‘llanganda yaxshi yuzaga chiqadi. Boshqacha aytilganda bemorga davo ko‘rsatishda faqat fitoterapiyadan cheklanib qolmasdan, boshqa mavjud dori vositalari va usullaridan, shu jumladan, sintetik va yarim sintetik dorilardan, fizioterapiya, dietoterapiya va boshqalardan foydalanilganda davo samarasi yuqori bo‘ladi. Bularga misol qilib tibbiyot amaliyotida keng miqyosida ishlatib kelinayotgan kordiovalen, marelin, kafiol, urolesan, vikanr va boshqalarni keltirish mumkin. Asosan fitoterapiya surunkali kechadigan kasalliklarda ancha foydali hisoblanib, davo ko‘rsatishning bir turi sifatida qaraladi. Fitoterapiyani uzoq muddat qo‘llanishi, asoratlarni kam ko‘rsatishi, ularni ayrimlarini uy sharoitida tayyorlash mumkinligi, bunda katta xarajat bo‘lmasligi hamda shifobaxsh ta’siri ko‘p qirrali bo‘lishi uni boshqa turlariga nisbatan ustunligidir. Shunga qaramay ayrim hollarda fitoterapiya bemorlarga davo kursatishda uni qo‘shimcha turi sifatida qaraladi.