Faxriyor ijodida individual o`xshatishlar

Faxriyor ijodida individual o`xshatishlar

Eshmurodova Mo`tabar

(Samarqand davlat universiteti Filologiya

fakulteti talabasi)

Ilmiy rahbar:

Yusupova Orzuboni

(SamDU filologiya fakulteti dotsenti)

Hozirgi oʻzbek she’riyatida taniqli adib Faxriyorning oʻz oʻrni bor. U XX asrning 80-90- yillarida oʻzbek adabiyotida oʻziga xos uslub bilan paydo boʻldi. Dastlab uning moderncha she’rlari adabiy jamoatchilikda turli munosabatlar uygʻotdi. Ozod Shrafiddinovning yozishicha “Modernizm – joʻn hodisa emas. Gap san’atkorda, uning tafakkuri va mahoratida”. Faxriyor o`zbek she`rxonini yangicha obarazlar olami bilan tanishtirgan, o`z tashbehlari bilan zamonaviy o`quvchi didini o`stira olgan sanoqli ijodkorlardan biri.

“Faxriyorning she’rlarini o‘qish ham, uqish ham, ta’sirlanish ham oson emas. Lekin uning bitganlari milliy she’riyatimiz taraqqiyotining shunday darajasidirki, uni tushunmaslik estetik va ma’naviy qiyofaning kemtikligiga olib kelishi mumkin. Shuning uchun ham bugungi o‘zbek kitobxoni Faxriyor asarlarini o‘qishi, o‘rganishi, tahlil qilishga ehtiyoj sezishi kerak”.¹

Faxriyor soʻz, maʼno, ohang va poetik vositalar bilan alohida-alohida ishlamaydi. Isteʼdod qudrati shoirga nazmning barcha unsurlarini birday tuyish, qoʻllash va birvarakayiga badiiy effektga erishish imkonini beradi. Shoir “shakl simfoniyasi”ni shunday uygʻunlashtiradiki, oʻquvchida bir vaqtning oʻzida tovushni koʻrish, rangni eshitish, shaklni tuyish, barchasidan baravar lazzatlanish imkoniyati paydo boʻladi:

Sensizlik –

mening kasbim, mening vazifam.