Фавқулодда вазиятларнинг олдини олиш соҳасидаги давлат сиёсати қандай шаклланади?

Табиий ФВларнинг олдини олиш соҳасида қандай муаммолар мавжуд?


Табиий фавқулодда вазиятларнинг олдини олиш ва улар юзага келганда кўламини камайтириш муаммолари.
Кўплаб табиий хусусиятли фавқулодда вазиятларнинг олдини олишнинг иложи йўқ. Бироқ, салбий оқибатларга олиб келадиган бир қатор хавфли табиий ҳодисаларнинг олдини олиш мумкин. Бундай ҳодисаларга кўчки, сел ва бошқалар киради.
Табиий хусусиятли фавқулодда вазиятларнинг олдини олиш чоралари бир неча йўналишда олиб борилади. Бундай йўналишлардан бири муҳандислик-техник чора-тадбирлар ҳисобланади. Тўғонлар, шлюзлар қуриш табиий хусусиятли фавқулодда вазиятларнинг зарарли таъсиридан муҳофазаланишга хизмат қилади.
Табиий хусусиятли фавқулодда вазиятлар кўламини камайтириш борасидаги яна бир йўналиш, бу объектларнинг табиий хусусиятли фавқулодда вазиятларнинг шикастловчи омилларига чидамлилигини ошириш ҳисобланади.
Хабар бериш тизимини яратиш ҳам фавқулодда вазиятлар кўламини камайтиришга хизмат қилади, ўз вақтида хабар бериш йўли билан аҳолини муҳофаза қилиш ва талафотлар миқдорини камайтириш мумкин.
Фавқулодда вазиятларнинг маълум мезонлари асосида ҳудудларни, шаҳарларни ва аҳоли пунктларини районлаштириш фавқулодда вазиятларнинг шикастловчи омилларини камайтириш ва башорат қилишни осонлаштиради. Шунинг учун ҳудудларни районлаштиришга қаратилган ташкилий тадбирларни амалга ошириш керак бўлади. Районлаштиришда содир бўлиши мумкин бўлган зилзилалар ва ҳалокатли сув босиш ҳудудлари фарқланади.
Профилактик тадбирларни режалаштириш мамлакатнинг турли ҳудудларида ушбу ҳудудга хос бўлган хавфларни ҳисобга олган ҳолда амалга оширилади.
Фавқулодда вазиятлар хавфини камайтиришда ИОларини оқилона жойлаштириш муҳим аҳамиятга эга. Объектларни оқилона жойлаштириш уларнинг табиий хусусиятли фавқулодда вазият ҳудудига тушиб қолишининг олдини олишга хизмат қилади.
Зилзила, сув тошқини, сел, кўчки, қор кўчкиси, ўпирилишларга мойил бўлган ҳудудлар районлаштирилиш керак. Хавф юқори бўлган ҳудудларда парклар, боғлар, очиқ спорт майдончалар жойлаштирилади.
Шаҳарсозликнинг меъёрий-ҳуқуқий ҳужжатларида ҳудудлар ва аҳоли пунктларининг хавфсизлиги ва уларни фавқулодда вазиятлар таъсиридан муҳофаза қилувчи талаблар кўзда тутилиши керак.