Farmokognoziya oxiri p65

Kimyoviy tarkibi.
Mahsulot tarkibida viburnin glikozidi,
70— 80 mg % vitamin C, 28—31 mg % vitamin K
1
, 21 mg %
karotin, 7% gacha triterpen saponinlar, 4% oshlovchi mod-
dalar, flavonoidlar, organik kislotalar va boshqa birikmalar
bo‘ladi. Meva tarkibida 32 % gacha qand va 3 % oshlovchi
moddalar, 3 % organik (sirka, izovalerian va boshqa) kislo-
talar, karotinoidlar, antotsianlar hamda vitamin C, urug‘ida
20 % gacha yog‘ bor.
Ishlatilishi.
Bu o‘simlikning dorivor preparatlari bacha-
dondan qon ketishini to‘xtatish hamda hayz ko‘rganda paydo
bo‘ladigan og‘riqni qoldirish uchun ishlatiladi. Mevasi tibbi-
yotda me’da yarasi kasalligini davolashda va kuchsiz siydik
haydovchi vosita sifatida qo‘llaniladi.
Dorivor preparatlari.
Suyuq ekstrakt, damlama. Mevasi
vitaminli choy-yig‘malar tarkibiga kiradi.
BOZULBANG GULI – FLORES LAGOCHILI
O‘simlikning nomi. 
Gangituvchi bozulbang (lagoxilus) —
Lagochilus inebrians Bge., yasnotkadoshlar — Lamiaceae (lab-
guldoshlar — Labiatae) oilasiga kiradi.
Ko‘p yillik, bo‘yi 20—70 sm ga yetadigan o‘t o‘simlik.
Poyasi sershox, ko‘tariluvchi, asos qismi yog‘ochlangan, to‘rt
qirrali, qattiq bezli tuklar bilan qoplangan. Bargi oddiy, uch-
besh bo‘lakka qirqilgan, poyada bandi bilan qarama-qarshi
joylashgan. Gullari pushti rangli, poyada va shoxlarida yarim-
halqa shaklida joylashgan. Mevasi — 4 ta yong‘oqcha.
Iyun-sentabr oylarida gullaydi.
Geografik tarqalishi.
O‘zbekiston va Tojikiston Respubli-
kalarida yarimcho‘l va shag‘alli qiya tog‘ bag‘irlarida o‘sadi.
O‘zbekistonning Samarqand, Buxoro va Qashqadaryo vilo-
yatlarida uchraydi.

---

81
O‘simlik O‘zbekiston „Qizil kitob“iga kiritilgan. Shuning
uchun mahsulot yovvoyi holda o‘sadigan o‘simliklardan tay-
yorlanmaydi, faqat ekilgan plantatsiyalardan yig‘iladi.