Farmasevtikada boshqaruv fanidan o‘quv-uslubiy majmua

Farmasevtika bozoridagi muhit omillari
Farmasevtika marketingi makromuhiti – bu davlat, viloyat, respublika, shahar, tuman chegara doirasida harakatlanuvchi sub’ektlar majmuasidir.
Dori vositalarini ishlab chiqaruvchi farmasevtika korxonalarilar makro muhiti
Dori vositalarini ishlab chiqaruvchi farmasevtika korxonalarilar, ulgurji va chakana dorixonalar to‘xtovsiz tashqi kuch va omillar ta’siri ostida o‘z farmasevtika faoliyatini olib boradi. Ba’zi hollarda ular maqbul imkoniyatlarni, boshqa hollarda esa xavf-xatarni sodir qiladilar. Shu bois aytish mumkinki, dori vositalarini ishlab chiqaruvchi farmasevtika korxonalari, ulgurji va chakana dorixonalar peshqadamligining istiqboli dori vositalari va dorixonada xizmat ko‘rsatishning tegishli farmasevtika marketingi muhitiga mosligi bilan ifodalanadi. Quyida dori vositalarini ishlab chiqaruvchi farmasevtika korxonalari, ulgurji va chakana dorixonalar makro-muhitining asosiy omillari keltirilgan.
Dori vositalarini ishlab chiqaruvchi farmasevtika korxonalarning muhiti
Mamlakatdagi siyosiy muhit
Mamlakatdagi siyosiy muhit asosan davlatning mustaqilligi va bevosita siyosiy yondashuvlar va yo‘nalishlarni mustahkamlash bilan bog‘liq tendensiyalar, boshqa tomondan esa, farmasevtika bozori munosabatlariga o‘tish va o‘zaro manfaatli aloqalarni o‘rnatish bilan tavsiflanadi. Siyosiy muhitga ijro etuvchi davlat xokimiyatining omillari bilan bir qator muhim omillar ham kiradi. Ular ichida mulkchilik, tadbirkorlik, iste’molchilar huquqlarini muxofaza qilish va reklama munosabatlarini tartibga soluvchi qonunchilik va qonunlarni ko‘rsatish mumkin. Huquqiy tartibga solishning samarali yo‘nalishlarini izlash davom etmoqda.
Jamiyat iqtisodiy muhitining ahvoli, asosan dori vositalarini ishlab chiqaruvchi farmasevtika korxonalari, ulgurji va chakana dorixonalar daromadlarining darajasi va aholining darajasi va aholining iste’mol qobiliyati kabi ko‘rsatgichlar bilan, shuningdek, inflyatsiya, kredit stavkalari, soliq solish stavkalari, aholining joriy daromadlari, jamg‘armalarining darajalari, iste’mol savatining qiymati bilan aniqlanadi. Bu ko‘rsatkichlarning o‘zgarishida talabda nafaqat miqdoriy, balki tarkibiy siljishlarga ham olib keladi.