Farmasevtikada boshqaruv fanidan o‘quv-uslubiy majmua

Farmasevtika marketingi muhiti tushunchasi
Farmasevtika marketingining atrof-muhiti, umuman farmasevtika bozori kon’yunkturasiga va xususan farmasevtika firma faoliyati, shu jumladan, farmasevtika bozorining boshqa sub’ektlariga bevosita ta’sir etuvchi kuchlar va omillar yig‘indisidan iborat. Muhit doimiy o‘zgarishda, yaniy bu salbiy yo ijobiy ta’sir ko‘rsatish mumkinligi sababli, uni tizimli o‘rganish, aholiga jarayonlarni va ularning o‘zaro aloqasini kuzatish zarurati farmasevtika marketingi tadqiqotlari jarayonida juda muhim tadbir bo‘lib hisoblanadi. Xatto muhitning arzimas o‘zgarishiga etibor bermaslik yoki nazoratni susaytirish farmasevtika firmaning va farmasevtika bozorining boshqa sub’ektlari ishida juda og‘ir oqibatlarga olib kelishi mumkin. Shu sababli dori vositalarini ishlab chiqaruvchi farmasevtika korxonalarilar, ulgurji va chakana dorixonalar marketologlarning muhit doirasida bo‘layotgan o‘zgartirishlarni alohida va mas’uldorlik bilan kuzatib borishlari kerak bo‘ladi.
Boshqalarga qaragan ular yangi tendensiyalarni kuzatib qulay imkoniyatlarni topishlari lozim, chunki ular ixtiyorida maxsus farmasevtika marketingi instrumentlari mavjuddir.
Odatda, makro va mikro muhit farqlanadi. Makro muhit yoki tashqi sharoit omillari asosan tizimli, umumiy farmasevtika bozori doirasidagi omillardan iborat. Bu yerga turli xil iqtisodiy, huquqiy, siyosiy, demografik, geografik, milliy, ilmiy texnikaviy, texnologik, ijtimoiy-madaniy va boshqa xarakterdagi ta’sirlarning keng spektri kiradi.
Mikro-muhit yoki ichki sharoit omillari farmasevtika firmaning faoliyati va uning imkoniyatlariga bevosita tegishli. Mikro muhitning asosiy qismi farmasevtika firma boshqaruvining nazorati ostida bo‘ladi. Farmasevtika faoliyati sohasini aniqlash, kadrlarni tanlash, xodim, farmasevt, farmasevt-assistentlar malakasining umumiy darajasi va farmasevtika marketingi madaniyati, maqsadli farmasevtika bozori segmentlarini, dori vositalari harakatining yo‘llarini tanlash, raqobat kurashida strategiyalarni ishlab chiqish, farmasevtika marketingi vazifalarini yechish hisoblanadi.