Farmasevtikada boshqaruv fanidan o‘quv-uslubiy majmua

Farmasevtika faoliyati sohasining tahlili. Bu tushuncha, dorixonada xizmat ko‘rsatish, dori vositalarining ulgurji vositachilarning umumiy soni, farmasevtika kompaniyaning vazifalari, hududiy chegaralari, mulkchilik shakli va farmasevtika faoliyatini qamrab oladi. Vazifalar kompaniyaning farmasevtika marketingi sohasida, dori vositalari, tibbiy buyumlar va tibbiy texnikani ishlab chiqarib, yetkazib beruvchi, ulgurji savdo, chakana savdo holatini, shuningdek, farmasevtika kompaniya qilmoqchi bo‘lgan harakatlarini aniqlab beradi. Farmasevtika firma bitta vazifadan tashqari ko‘prog‘ini amalga oshirishni xohlashi mumkin.
Umumiy maqsad rahbariyat tomonidan belgilab beriladigan va bajarilish darajasi sanoq bilan o‘lchanishi mumkin bo‘lgan topshiriqlarni o‘zida ifodalaydi.
Farmasevtika marketingining roli. Rahbariyat farmasevtika marketingining muhimligini ta’kidlashi, uning vazifalarini belgilashi va farmasevtika firmaning umumiy faoliyatiga qo‘shish orqali farmasevtika marketingi rolini aniqlaydi. Farmasevtika marketingining hal qiluvchi ovozi, bevosita hukmronlikka ega bo‘lgandagina uning uchun zarurligi namoyon bo‘ladi.
Farmasevtika marketingi bo‘limida rahbar o‘z maqomiga ko‘ra, farmasevtika faoliyatining boshqa soha rahbarlari bilan teng, odatda, u vitse-prezident, direktori darajasida bo‘ladi va unga tegishli resurs ajratib beriladi.
Boshqa tadbirkorlik vazifalarining roli. Ishda qaytarishlar, qizg‘anish va to‘qnashuvlar bo‘lmaslagi uchun vazifalarning roli hamda ularning farmasevtika marketingi bilan o‘zaro aloqasi aniq belgilab berilishi kerak. Dori vositalari, tibbiy buyumlar va tibbiy texnikani ishlab chiqarish, moliya, hisobchilik, konstruktorlik, ta’minot, ilmiy tadqiqot va huquqshunoslik bo‘limlari turlicha istiqbol, yo‘nalish va maqsadga ega.
Korporativ madaniyat. Bu tushuncha farmasevt, farmasevt-assistentlarning rioya qilishlari uchun ularga o‘rgatilgan qadriyat, norma va farmasevtika faoliyati qoidalarining yagona tarmog‘ini qamrab oladi.
Oliy rahbariyat o‘z maqsadini o‘rnatgandan so‘ng, farmasevtika marketingi dorixonada xizmat ko‘rsatish nazorat qilinadigan omillarning o‘z tarmog‘ini, tizimini ishlab chiqishga kirishdi.