Farmakologiya

Miotrop ta’sir ko‘rsatadigan boshqa dori vositalariga
kimyoviy tuzilishi har xil bo‘lgan miotrop, qon tomir silliq
mushaklariga ta’sir etuvchi spazmolitik ta’sir ko‘rsatadigan
ko‘pgina preparatlar kiradi. Ular ko‘pchilik qon tomirlarini,
jumladan, yurak-qon tomirini ham kengaytiradi.
Miotrop antianginal preparatlarga quyidagilar kiradi: 1) ben-
zil izoxinolin unumlari; 2) purin unumlari; 3) har xil
kimyoviy guruhga kiruvchi vositalar.
Izoxinolin unumlariga  papaverin gidroxlorid va no-shpa
preparatlari kiradi. Ushbu preparatlar periferik qon tomirlar
bilan bir qatorda koronar tomirlar torayishini bartaraf qiladi.
Bunda yurakning qisqarishi, miokardning kislorodga bo‘lgan
talabi o‘zgarmaydi.