Фармацевтика таълим ва тадқИҚот институти “тасдиқлайман”

Aholini dori vositalari va tibbiyot buyumlari bilan taminlashni yanada yaxshilashga doir chora tadbirlar
O‘zbekiston Respublikasi Vazirlar Mahkamasining 2017 yil 18 sentyabrdagi 741-son  qaroriga asosan “Ijtimoiy ahamiyatga ega dori vositalari va tibbiyot buyumlariga ehtiyojni aniqlash tartibi to‘g‘risidagi” nizom tasdiqlangan. Bunda O‘zbekiston Respublikasi Prezidentimizning «Aholini dori vositalari va tibbiyot buyumlari bilan ta’minlash tizimini takomillashtirish bo‘yicha qo‘shimcha chora-tadbirlar to‘g‘risida» 2017 yil 17 iyuldagi PQ-3137-son qaroriga muvofiq, dori vositalari va tibbiyot buyumlariga bo‘lgan ehtiyojni aniqlash bo‘yicha yagona talablarni belgilash va aniq mexanizmlarni, muvozanatlashtirilgan importni ta’minlash va mahalliy farmatsevtika mahsulotlari ishlab chiqarishni prognozlashtirish joriy etilgan.
O‘zbekiston Respublikasi Sog‘liqni saqlash vazirligi davolash-profilaktika muassasasining Doimiy faoliyat ko‘rsatadigan komissiyasi — O‘zbekiston Respublikasi Sog‘liqni saqlash vazirligi davolash-profilaktika muassasasida tashkil etiladigan va ijtimoiy ahamiyatga ega dori vositalari hamda tibbiyot buyumlariga bo‘lgan ehtiyojni hisoblab chiqadigan va tasdiqlaydigan, ularni xarid qilish, hisobga olish, taqsimlash hamda qo‘llashni nazorat qiladigan komissiya;
O‘zbekiston Respublikasi Sog‘liqni saqlash vazirligining Doimiy faoliyat ko‘rsatadigan komissiyasi — O‘zbekiston Respublikasi Sog‘liqni saqlash vazirligida tashkil etiladigan va Asosiy dori vositalari, ijtimoiy ahamiyatga ega dori vositalari hamda tibbiyot buyumlari ro‘yxatlarini qayta ko‘rib chiqib, ushbu ro‘yxatlardagi dori vositalari va tibbiyot buyumlariga respublikaning yillik ehtiyojini tasdiqlaydigan, shuningdek ularni xarid qilish, hisobga olish, taqsimlash hamda ularning qo‘llanishini nazorat qiladigan komissiya.
Ijtimoil ahamiyatga ega dori vositalari va tibbiyot buyumlarigga extiyojniu aniqlash tartibi
Ijtimoiy ahamiyatga ega dori vositalari tarkibiga kiradigan narkotik va psixotrop moddalarga bo‘lgan ehtiyoj Vazirlar Mahkamasining «O‘zbekiston Respublikasida giyohvandlik vositalari, psixotrop moddalar va prekursorlarning muomalada bo‘lish tartibini belgilab beruvchi nizomlarni tasdiqlash to‘g‘risida» 2003 yil 29 oktyabrdagi 472-son qaroriga muvofiq bir yilda 1000 nafar aholiga narkotik va psixotrop moddalar iste’molining normalaridan (narkotik moddalarning tibbiyot maqsadlari uchun sarflanadigan ruxsat etilgan normalari) foydalangan holda aniqlanadi.