Фармацевтика омборхонасининг тузилиши

Портловчи ва тез аланга алангаланувчи воситаларни саклаш

Портловчи ва тез аланга олувчи воситалар алохида (қуруқ, тўғри куёш нуридан, ёнғин ва ер ости сувларидан химояланган, биринчи каватда, темир- бетон коплама хамда металл эшикли) хоналарга жойланиши керак, хонанинг поли эшигидан ичкарига қияланиб цементланган, ўйилмаган текис булиши керак. Ёнмайдиган сўкчаклар полдан 0,25 м дан кам бўлмайдиган баландликда сўкчаклар кенглиги 1 м дан кам бўлмаган, четлари о,25 м дан кам, сўкчаклар оралиғи 1,35 м дан кам бўлмаслиги керак; ёнмайдиган шкафлар кенглиги 0,7 м дан, баландлиги 1,2 м дан кам бўлмайдиган эшикларга эга бўлиши керак; электр ўтқазиш мосламалари, ёритувчи ва бошқа электр жихозлари портлаш хавфсизлигини таъминлайдиган, шунингдек, ўчириш мосламалари билан таъминланган бўлиши керак.
Тез алангаланувчи ва ёнувчи суюқликлар солинган идишлар зарбалардан сақлайдиган ёки ағдарувчи баллонларда бир каторда сақланади.
Идишни суюқ моддалар билан тўлдириш даражаси 90% хажмдан ортмаслиги керак. Катта микдордаги спиртлар металл идишларда, 75%дан ортик бўлмаган хажмда тўлдирилиб сақланади
Портловчи ва ёнувчи воситалар сақланадиган хоналарга керосин лампалар ва шамлар билан кириш тақиқланади, фақат электр ёриткичларидан фойдаланилади.
Гигроскопик хоссаси ўта кучли бўлган дори воситалари (галаскорбин, димедрол, тиббиёт желатинаси, калий ацетат, калий карбонат, кальций хлорид, пилокарпин гидрохлорид ва бошқалар) сақлаш талаблари: қуруқ хоналарда усти парафин билан ёпилган герметик ёпиладиган шиша идишларда сақланади. Омборхоналарда ушбу препаратлар завод қадоқларида сақланади.

Юкори ҳарорат таъсиридан ҳимояланадиган дори воситаларини сақлаш хусусиятлари

Юқори хароратдан (термолабиль прпаратлар)химоя қилиниши талаб этиладиган дори воситаларини сақлаш меъёрий хужжатлар талаблари мувофиқ бўлиши керак.

Паст харорат таъсиридан химояланишни талаб қилувчи дори воситаларини сақлаш

Паст харорат таъсиридан химоялашни талаб қиладиган дори воситаларини сақлаш [физик-кимёвий холати музлагандан сўнг ўзгариб турадиган ва хона хароратида кейинчалик тикланмайдиган дори воситалар], қўллаш йуриқномасида белгиланган харорат режимига мувофиқ сақланади. Тайёр дори турларини сақлаш
Барча тайёр дори турлари ташқи ёрлиқли оригинал қадоқда жойлаштирилиши ва сақланиши лозим. Ҳапдори-лар ва дражеларни ташқи таъсирдан ҳимояланган ва алоҳида беморларга бериш учун мўлжалланган корхона қадоғида бир-биридан ажратилган ҳолда сақлаш зарур. Ҳапдорилар ва дражеларни сақлаш қуруқ ва ёруғдан ҳимояланган жойда амалга оширилади. Инъекцияларга мўлжалланган дори турларни салқин, ёруғдан
ҳимояланган жойда, алоҳида жавонда, идишнинг хусусиятлари (мўртлик) ҳисобга олинган ҳолда сақлаш лозим. Суюқ дори турлар (сироплар, дамламалар) оғзи герметик пўкакланган, устигача тўлдирилган идишда, ёруғликдан ҳимояланган жойда сақланиши керак.
Плазма ўрнини босувчи эритмалар 0⁰дан 4⁰С гача ҳароратда алоҳида, ёруғдан ҳимояланган жойда сақланади.