Фармацевтика омборхонасининг тузилиши

Хидли ва бўёвчидори воситалари сақлаш

Хидли дори воситалари гурухига учувчан хамда учувчан бўлмаган лекин ўта хидли дори воситалари киради. Уларни герметик ёпиқ идишларда бир биридан алохида холда номи бўйича сақланади.
Бўёвчи хусусиятли дори воситаларига-идишларда, жиҳозларда ва рангли из қолдирувчи оддий санитар-гигеник ишловда ювилмайдиган дори воситалари киради (бриллиант яшили, метелен кўки, индигокармин ва хоказолар).
Бўёвчи дори моддалари алохида махсус зич ёпилувчи шкафларда сақланади (номи бўйича). Бўёвчи моддаларни ишлатишда уларнинг хар бири учун алохида торозилар, ховончалар, шпателлар ва бошқа инвентарлар ажратилади.
Доривор ўсимликлар хом ашёси ва йиғмаларни сақлашда қуйидагилар талаб этилади:
А) яхши ёпиладиган идиш;
Б) қуруқ яхши вентиляцияланувчи хаво алмашинуви таъминланган хона.
Идишнинг тури хом ашёси сақлаш жойига боғлиқ.
Омборхонада доривор ўсимлийлар хом ашёси сўкчакларда сақланади бунинг учун ёпиқ яшиклар, қоплар (кесилган хом ашё) икки қаватли қоплар, картон ўрамлари (порошоклар) бўлиши керак.
Ўз таркибида эфир мойларини сақловчи (масалан: шалфей ўти), айрим гигроскопик ўтлар, барглар, мевалар (масалан:ангишвонагул)барги, далачой ва бошқалар) алохида яхши ёпиладиган идишда сақланади.
Захарли ва гиёхванд моддалар сақловчи дори воситалари алохида хоналарда, махсус қулфланган темир шкафларда сақланади.
Қуритилган ширадор меваларни омбор хашаротларидан химоялаш учун флаконга хлороформ солиб, буғлари чиқиб турувчи трубкаси бўлган тиқин билан ёпилади ва мевалар сақлайдиган яшик ичига солиб қўйилади.
Таркибида юрак гликозидлари сақловчи доривор ўсимлик хом ашёсига (масалан: ангишвонагул барги, марваридгул меваси ва бошқалар алохида эътибор бериш керак.) Давлат Фармакопеясида улар учун катьий сақлаш муддатлари ва биологик фаоллигини қайта текшириш учун талаблар белгиланган.
Барча доривор ўсимликлар хом ашёси вақти-вақти билан ДавлатФармакопеяси назоратидан ўтиб туриши шарт.
Стандартга жавоб бермаган хом ашё яроқсиз деб топилади ёки қайтадан ишлаб чиқилган ва ижобий назоратдан сўнг ишлатилади.)