Farg’ona shahar 12-umumiy o’rta ta’lim maktabi

urganch tumani 2-umumta’lim maktabi boshlang’ich sinf o’qituvchisi sobirova shahloning

“Assalom Navro’z”
mavzusidagi

t a d b i r i



Mavzu: Assalom “Navro’z!”
Maqsad: O’quvchilarga ma’naviy –

ma’rifiy madaniyatni singdirish

Sinf xonasi “Navro’z” bayramiga mos bezatilgan.

• 
  Devoriy ro’znoma
  
• 
  Plakatlar
  

1.Jarchilar kirib keldi:

Davron: 1.”Odamlaru-odamlar,

Bog’da bitgan bodomlar.

Eshitmadim demanglar

Eshitganlar jilmanglar!”

Umid: 2.”Kecha-kunduz barobar

Biri-biridan sarvar!

Bahordan keldi xabar

Har zamonning zayli bor”.

Ikkala jarchilar:

Har odamning mayli bor

Olam bitta bo’lsa ham,

Har elning o’z sayli bor,

Keldi Navro’z va bahor.
Davraga Bahoroy, Boychechak, Mart, Aprel, May oylari kirib keladi.

1-o’quvchi:

Uyg’onish, yangilanish hamda ezgulik, mehr-oqibat, xayru sahovat, tinchlik, hursandlik ramzi – Navro’zi olam insonlarni go’zallikka, yaxshilikka chorlab, qutlug’ qadamlari bilan kirib kelmoqda.

2-o’quvchi:

Zero bir-birini qo’llab –quvvatlash, muborak kunlarda xayru sahovat ko’rsatish xalqimizning qadimiy va o’lmas urf-odatlaridan biridir.

3-o’quvchi:

Navro’z har bir inson ruhiga shodlik, mehr-ezgulik ulashadi.

4-o’quvchi:

Avloddan-avlodga o’tib kelayotgan, bebaho merosga aylangan bayramdan har birimiz bahramand bo’laylik.

5-o’quvchi:

Bahor dengiz, kuz-qirg’oq

Suvingga hamma mushtoq.

Gullasin bog’i chorbog’

O’yna qo’limda qayroq

Sayra qo’limda qayroq.

• 
  Ovozlar (boshlovchi):
  

Yakkalaka o’ynasammi

Dukkalaka o’ynasanmi

Oyim javob bersalar

Sahnada o’ynasammi?

• 
  O’yin: “Lolacha”
  

Ijrochi: Davronova Umida

Navro’z Bobo:

Shu kunlarda xalqimiz o’zining tabiatga yaqinligini qadrdonligini yanada chuqur his etadi. Yam-yashil yayloqlar, tog’lar, bog’larda sayil-tomoshalar o’tkaziladi. Dahqon bobo yaxshi niyat bilan o’z dalasiga urug’ sepadi.

Hosiljon:

Navro’z kuni hashar o’tkazmoqlik qadim zamonlardan qolgan qutlug’ ishlardir. Shu kuni ko’chatlar, gullar ekiladi, daraxtlarga shakl beriladi. Mahallalar, ko’chalar, qishloqlar obodonlashtiriladi. Ariq – zovurlar

kovlanadi. Nochor qariyalarga, nogiron bolalar xolidan xabar olinadi. Bu esa Vatanimizni sevishga, urf-odatlarimizni xurmat qilishga, mehr-oqibatli bo’lishga chorlaydi.

Momo yer:

O’rningdan tur xey bashar,

Hamma yoqqa xabar ber

To’plab qilamiz xashar

Sendan bo’lsin xarakat

Mendan bo’lsin barakat

O’quvchi:

Boychechak bahor darakchisidir. Shu-ning uchun Sharq xalqlari bu gulning ochilishini ko’klam nishonasi deb bilishadi.

O’quvchi:

Erta bahorda bolalar to’da-to’da bo’lishib qir-adirlardan boychechak terishadi. Kim birinchi bo’lib boychechakni topsa, uni baxtli deb hisoblashgan. Bolalar topib olingan boychechakni berkitib, xovlima-xovli yurishib qo’shiq aytishgan.

Xo’r. “Boychechak”

Xalq o’yini (o’g’il bolalar) “Kim oladi shu ginani”

Davrani 4 boshlovchi davom ettiradi.

1-Boshlovchi:

Istiqlol tongida gullar to’lg’ondi,

Yuraklar to’lg’ondi, gullar uyg’ondi,

Navro’z navolari jonni yangratib

Ona yurt uyg’ondi, gulga cho’lg’ondi.
2-Boshlovchi:

Dimoqqa yalpizlar nafasi urar,

Yurakka muattar chechaklar kular,

Bir suluv kelinchak salomga kelar,

Ostonaga bosh ur aziz mehmonim

Navro’zni muborak, O’zbekistonim.

3-Boshlovchi:

Yurtim kuylayotgan dalalarinda

Sumalakning xushtam bo’ylari kezar

Go’daklarga aytgan allalaringda

Momolarning kuylari kezar

Ertadan umidvor boshi osmonim

Boshing omon bo’lsin, O’zbekistonim

4-Boshlovchi:

Eng avval tinch bo’lsin

Ko’ksingda vijdon

Tinch bo’lsin elu-yurt

Vatan jonajon

G’uborga cho’lg’onmay

Shu yeru-osmon

Tinch o’tgan har kuning

Albatta bayram

-Sumalak, ko’k somsa, patir, chuchvara taqdim etiladi.

Boshlovchilar:

Oh qandayin go’zal bu diyor

Mustaqillik-buyuk iftixor

Har kurtakda ipak istiqlol

Xalqim kuylar o’lanu yor-yor

Yana keldi yasanib bahor

Doshqozonda qaynar sumalak,

Tovlanadi misli kamalak.

Sochlarimga taqib jamalak,

Samolarga uchgim keladi,

Navro’zimni quchgim keladi.
Aziz ustozlar, muhtaramma aziz mehmonlar, sinfdoshlar kirib kelayotgan ulug’ ayyomingiz – Navro’z bayramingiz muborak bo’lsin. Har kuningiz Navro’z bo’lsin, bayramingiz bilan tabriklaymiz.