Sinf: 2-sinf Mavzu: Shaxs va narsa belgisini bildirgan so'zlar. 246-248- mashqlar

Sana: 04.08.2021
Sinf: 2-sinf
Mavzu: Shaxs va narsa belgisini bildirgan so'zlar .
246-248- mashqlar
Darsning maqsadi : a) O`quvchilarda matn ustida ishlash. Narsalar belgisini bildirgan so’zlarni so’roq berib aniqlash ko’nikmasini o’stirish. b) O`quvchilarni og’zaki va yozma nutqini o’stirish. O`quvchilarni bilim, ko’nikma va malakalarini rivojlantirish. s)O`quvchilarni ona vatanimizni sevishga, ona tilimizni hurmat qilishga, buyuk ajdodlarimizni doimo yodda saqlashga o’rgatish hamda g`urur, iftixor tuyg`ularini tarbiyalash.
Darsning metodi : «puzzle», oʻyini ,,baliq ovi", ,,lepbuk" ,,daraxtni bezatamiz" oʻyini.
Darsning jihozi : darslik, rangli rasmlar, tarqatma materiallar, slayd, kadaskop.
Darsning borishi : Tashkiliy qism: Oʻquvchilar bilan bahor fasli , bahorgi bayramlar, qushlar va oʻsimliklar haqida suhbat olib boriladi.
Oʻquvchilar yurtimizga qaysi fasl kirib keldi?
Bahor faslida tabiat qanday boʻladi?
Qaysi qushlar uchib keladi ?
Qaysi gullarni bahor elchisi sifatida bilamiz?
,,Puzzle" oʻyini . Har bir guruhga boʻlaklarga boʻlingan rasmlar tarqatiladi. Oʻyin matematika fani bilan bogʻliqlikda olib boriladi. Har bir rasm boʻlagiga misollar yozilgan . Misollar javoblarini oʻsib borish tartibida joylashtirsa ,rasmlar toʻgʻri joylashtirilgan hisoblanadi. Rasmlarda bahorgi gullar binafsha, lola, boychechak tasvirlangan. Guruhlar shu gullar haqida matn tuzadilar. Oʻquvchilar tuzgan matnlaridan belgini bildirgan soʻzlarni topishlari kerak.

Lola. Binafsha. Boychechak
Oʻtilgan mavzuni mustahkamlash: ,,Daraxtni bezatamiz" didaktik o'yini. Bu o'yin tezkor savol va javoblar asosida olib boriladi. Har bir to'g'ri javob uchun guruhlar bitta gulbargga ega bo'ladilar va daraxtga yopishtirib bezatadilar.

Yangi mavzu bayoni:246-mashq. Berilgan soʻzlardan bahor,shamol,quyosh,maysa haqida gaplar tuzing.Tuzgan gaplaringizdan hikoya hosil boʻlsin.

Goʻzal, yoqimli, kuchli, koʻm-koʻk; bahor, shamol, quyosh, maysa; keldi, esdi, qizardi, koʻkardi. asosida olib boriladi. So'zlar har xil rangli qog'ozlarda yoziladi.
Goʻzal bahor keldi. Yoqimli shamol esdi. Quyosh kuchli qizdirdi. Koʻm-koʻk maysa koʻkardi.
Quvnoq daqiqa o'tkazish: Shamol esar guv guv Bulut kelar duv duv Yomg'ir yog'ar chak-chak Bizga pana joy kerak

Didaktik o’yin: O'quvchilarga ,,Lepbug" tarqatiladi. To'g'ri bajargan guruh rag'batlantiriladi.

,,Baliq ovi" didaktik oʻyini: Bu oʻyin ijodiy diktant asosida olib boriladi. Gaplar orasidagi belgini bildirgan soʻzlar tushirib qoldiriladi. Oʻquvchilar baliqchalarda yozilgan belgi bildirgan soʻzlarni topib joylashtirishlari kerak.

Darsni yakunlash. Guruhlar to’plagan rag’bat kartochkalarini hisoblash.

G’olib guruhni aniqlash.
Uyga vazifa berish. 248- mashq.