Фарғона политехника институти

Дидактик тамойиллар – бу таълим жараёни қонуниятлари, мазмуни ва методларини 
белгилаб берувчи ўқитиш тамойилларидир. Шунинг учун ҳам ўқитувчининг педагогик маҳорати ва 
таълим олувчининг ўрганувчанлик фаолиятини бир қолипга солиб, белгиланган мақсадга 
эришишни таъминлайдиган қоидалар мажмуаси таълим жараёнида қўлланиладиган дидактик 
тамойиллар моҳиятини ташкил этади. 
Дидактик тамойиллар назарий ва амалий таълимида мақсад, мазмун, методлар, ташкил этиш 
шақллари, ўқитиш воситалари ва усуллари; меҳнат ва тарбиявий фаолият; таълимнинг турли 
босқичлари ҳамда педагогик ва меҳнат жараёнлари; таълим олувчиларнинг жамоавий 
ривожланиши ва ҳар бирининг алоҳида ривожланиши ўртасидаги алоқадорликларни акс этиради. 
Дидактик воситалар ва тарқатма материаллар – бу фанни ўқитишда зарур бўлган 
жиҳозлар, компьютерли воситалар, моделлар ва макетлар, кўргазмалар ва техник воситалар, 
асбоб – ускуналар ва маҳсулотлардир. Шунингдек, ўқитиш жараёнида ўқитувчи томонидан 
қўланиладиган тарқатма материаллардир. Улар: карточкалар, саволномалар, йўриқномалар, 
қизиқарли савол ва топшириқлар, амалий ишни ташкил этиш бўйича технологик хариталар 
ва ҳакозалардир. 

---

7 
Проф. Б.Зиёмуҳаммадовнинг ижод маҳсулида дидактик материаллар – педагог 
томонидан ҳар бир дарсга алоҳида тайёрланган, дарс мазмунини тўла ифодалаш ва ўқувчи – 
талабалар дарс мазмунига яхши тушуниб етишлари учун хизмат қилади, деб қайд этилади. 
Буларга турли кўргазмали қуроллар, турли муаммоли вазиятларни яратувчи мосламалар, 
ўйинлар ва ҳакозолар киради. Дидактик материаллар ҳам дидактиканинг тамойилларига мос 
равишда яратилади. Дарс жараёни фақат усул ва услублар орқали амалга оширилиб, 
дарснинг ажралмас қисми ҳисобланади. Педагогсиз ва талабасиз ҳамда ўқув дастури ва 
режасиз дарс ўтиб бўлмагани каби, педагогик усуллар ва услубларсиз дарсни амалга 
ошириб бўлмайди [3].