Фарғона политехника институти қурилиш» факультети ««бино ва иншоотлар қурилиши»

ЛИР-РС – пўлат сортаментларни муҳаррирлаш имкониятини берувчи системадир. У прокат ҳамда пайвандлаб уланган профиллар сортамент базаларини яратиш ва мавжудларини муҳаррирлаш учун хизмат қилади. ЛИР-РС системаси Лира ПК нинг ҳисобловчи ва лойиҳаловчи системалари билан маълумотлар ёрдамида боғланган.
ЛИР-КС системаси - махсус график муҳит бўлиб, исталган конфигурацияли кесим юзани шакллантиришга мўлжалланган ускуналарни ўзида мужассамлантирган. Система кесим юзаларнинг ўқларидаги эгувчи, буровчи, силжитувчи ва пластик характеристикаларини ҳисоблашга мўлжалланган процессор билан таъминланган. Оддийларидан ташкил топган мураккаб кесим юзалар лойиҳалаш имкониятларини беради. ЛИР-РС системасида стандарт профиллар импорт қилинишига рухсат этилади. ЛИР-КС системаси ЛИР-ВИЗОР системаси билан маълумотлар орқали боғланган. Яратилган кесим юзалар ЛИР-ВИЗОР системасига узатилиши ва мос элементга тайинланиши мумкин. Ҳамда ЛИР-КС системасида ҳисоблаш натижасида олинган юкларни импортлаш имкониятлари мавжуд. Бу эса кесим юзалар бўйича – нормал, уринма, бош ва эквивалент кучланишларнинг тақсимланиш картинасини олиш имконини беради.
ЛИР-КТС системаси – махсус график муҳит бўлиб, юпқа деворли исталган конфигурацияли – очиқ, ёпиқ, ярим ёпиқ кесим юзалар шакллантиришга мўлжалланган ускуналарни ўзида мужассамлантирган. Система кесим юзаларнинг секториал ва геометрик характеристикаларини ҳисоблашга мўлжалланган процессор билан таъминланган. ЛИР-КТС системаси ЛИР-ВИЗОР системаси билан маълумотлар орқали боғланган. Яратилган кесим юзалар ЛИР-ВИЗОР системасига узатилиши ва мос элементга тайинланиши мумкин. Берилган кесим юзада юк мавжуд бўлса, нормал, уринма, бош ва эквивалент кучланишларнинг картинаси тасвирланиши амалга оширади (4-расм).



4-расм. ЛИР-КТС тизими кўриниши
ЛИР-КМ системаси – металл конструкцияларнинг ишчи чизмасини тўлалигича автоматик равишда ҳосил қилишга мўлжалланган. Элементларнинг монтаж схемасини, элементлар ведомости, қисим чизмалари, зарур иловалар, спецификациялар яратишни амалга оширади (5-расм).
ЛИР-КМ системаси фойдаланувчига металл конструкцияларнинг кенг кўламли қисимлари ҳисоблаш, лойиҳалаш ва кейинчалик чизмасини яратиш имкониятини беради.

5-расм. ЛИР-КМ тизими кўриниши
ГРУНТ - муҳандислик – геологик илмий изланишлари натижасида олинган маълумотлар асосида грунт заминли уч ўлчовли модел қуришни имкониятини яратади.