Фарғона политехника институти қурилиш» факультети ««бино ва иншоотлар қурилиши»

3-мавзу: Лира дастурининг дастурининг лента интерфейси
Режа:
2.1. Лира дастурини юклаш.
2.2. Буйруқларни киритиш ва бажариш.


Таянч иборалар: Ҳисоб схемасиб стержен, плита , пластина, қобиқ, массив деталлар, стержен, балка, ферма, таянчлар, декарт координата, маълумотлар қатори, экспорт, импорт, схема.


2.1.Лира дастурини юклаш.

Лира ПК бир нечта ишчи режимида ишлайди. Ҳар битта ишчи режимига Лира нинг ўзига хос ишчи ойнаси мос келади:

• 
  объектнинг ҳисоб схемасини яратиш ишчи ойнаси;
  
• 
  процессор режимидаги ишчи ойна;
  
• 
  ҳисоб натижаларини таҳлил қилиш ва ҳужжатлаштириш ишчи ойнаси.
  

Лира программа комплексининг тингловчи билиши керак бўлган энг муҳим, биринчи ойнаси – бу ҳисоб схемасини яратиш ишчи ойнаси. ЛИРА ПК нинг интерфейси Windows муҳитида ишлайдиган программа комплексларига жуда ўхшаш ва бу интерфейс билан тингловчини яқиндан таништириш керак.
Айтайлик, Лира ПК компьютерга ўрнатилган ва нормал даражада ишлайди. Windows операцион тизимининг ишчи ойнасида Лира 9.6 ёрлиғи ёки ЛИРА нинг старт олиш менюси (1-расм) ёрдамида экранга юкланг. Система юкланганидан сўнг экранга 2-расмда кўрсатилгандек ишчи ойна экранга юкланади.

1-расм. Лира 9.6 нинг старт олиш менюси.

2-расм. ЛИР ПК нинг ҳисоб схемасини яратиш режимидаги ишчи ойнаси
Ускуна деб тугманинг бажарадиган ишини график равишда эслатувчи пиктограммага эга бўлган тугмага айтилади. Унинг фаоллаштирилиши аниқ бир тадбирнинг бажарилишини таъминлайди. Бу тадбирни кейинчалик “тугмани босиш” деб юритамиз. Бирорта белгиларига асосланиб бирлаштирилган экрандаги тугма-ускуналарнинг гуруҳини “панель” дейилади. Экран бўйлаб бир жойдан иккинчи жойга кўчириш мумкин бўлган ускуналар панелини “сузиб юрувчи панель” деб аталади.
Ишчи ойнанинг пастки қисмидаги йўлакча маълумотлар қатори деб аталади. У ускуналарнинг вазифалари ҳақидаги қисқача маълумотларни, худди шундай хабарлар ва ёрдам олиб туриш учун хизмат қилади. Маълумотлар қаторининг ўнг томонида – модел тугунлари ва элементлари сони, фаол юкланиш ва барча юкланишлар сони ҳақидаги маълумотлар чиқариладиган майдон жойлашган.
Экраннинг асосий қисми ишчи зонасига ажратилган: системада юз берадиган барча жараёнлар шу жойда амалга оширилади. Ишчи зонасида ҳисоб схемаси яратилади, унинг юкламалари қўйилади, ҳисоб натижалари тасвирланади, бошқарувчи мулоқот ойналари ва бошқалар акс эттирилади.
Меню бандлари қаторининг юқорисида масала номи қатори жойлашган. Қаторнинг ўнг томонида – система значоклари жойлашган. Бу значоклар ойнани вақтинчалик йиғиб қўйиш, экранга ёйиш ёки бутунлай ёпиш учун хизмат қилади.