Фаннинг ўқув-услубий мажмуаси Ўзбекистон Республикаси Олий ва ўрта махсус таълим вазирлигининг 017 йил мартдаги 17-сонли буйруғига асосан тайёрланган

Асосий адабиётлар
1. Colin Renfrew, Paul Bahn. Archaeology: Theories, Methods and Practice. London 2004
2. Connah G. Writing about Archaeology. Cambridge University Press.2010
3. Archaeological theory today. Edited by Ian Hodder. Cambridge University Press 2001
4. Andrew Jones. Archaeological theory and scientific practice. Cambridge University Press 2004.
5. Jane Balme. Alistair Paterson. Archaeology in practice. Oxford. 2006.

Қўшимча адабиётлар
6. Эгамбердиева Н.А. Археология. ”Ўқув қўлланма” Т.: 2001.
7. Kabirov J., Sagdullaev. A. O’rta Osiyo arxeologiyasi T.: 1990

Электрон манбалар
www.archaelogy.ru
www.archaelogy.com

Мавзу 10. ЎЗБЕКИСТОНДА АРХЕОЛОГИК ЁДГОРЛИКЛАРНИ САҚЛАШ ВА ЎРГАНИШ БЎЙИЧА МАВЖУД ҚОНУН ВА ҚОИДАЛАР

• 
  РЕЖА;
  

1. Ўзбекистонда археологик тадқиқотлар ўтказувчи муассасаллар
2. “Маданий мерос объектларини муҳофаза қилиш ва улардан фойдаланиш” тўғрисида Ўзбекистон Республикасининг Қонуни.

• 
  ТАЯНЧ СЎЗЛАР ВА ИБОРАЛАР
  

Қонун, қоидалар, модда, археологик тадқиқотлар,. “Рухсатнома” (Открытый лист) ва ҳ. к.

• 
  АННОТАЦИЯ
  

Ўзбекистон Республикаси Олий кенгаши “Ўзбекистонда тарихий - археологик ёдгорликларни сақлаш” бўйича қонуннинг қабул қилиниши. Қонуннинг моддалари билан талабаларни таништириш. Ўзбекистонда археологик тадқиқотлар ўтказиш қоидалари. “Рухсатнома” (Открытый лист) олиш тартиби. Археологик тадқиқот ўтказиш тартиб ва қоидалари.

1. ЎЗБЕКИСТОНДА АРХЕОЛОГИК ТАДҚИҚОТЛАР ЎТКАЗУВЧИ МУАССАСАЛЛАР

Ўзбекистонда давлат илмий муассасаларида ишлайдиган, профессионал археолог халқаро илмий шартнома тузиш ва археологик тадқиқотлар олиб бориш ҳуқуқига эга. Бу илмий муассасалар қаторига ЎзР ФА таркибидаги тарихий муаммолар билан шуғулланувчи илмий тадқиқот институтлари (археология, санъатшунослик), таркибида археология кафедралари мавжуд бўлган Олий таълим муассасалари (ЎзМУ, СамДУ, НукусДУ, ТерДУ), археология фанига мутахассислашган музейлар (Термиз археология музейи, Самарқанддаги Афросиёб музейи, Бухоро ўлкашунослик музейи, Темурийлар Давлат музейи, Ўзбекистон халқлари тарихи музейи ва бошқалар).

Ўзбекистон Республикасининг Президенти И. Каримовнинг 2001 йил 30 августида имзолаган “Маданий мерос объектларини муҳофаза қилиш ва улардан фойдаланиш тўғрисида” қонун профессионал археолог ва тарихчилар учун дастурул амал бўлиб хизмат қилмоқда. Унда Ўзбекистон ҳудудида жойлашган маданий меърос объекларини сақлаш, муҳофаза қилиш ва улардан фойдаланиш тўғрисида қонун ва қоидалар ишлаб чиқилган.