Фаннинг ўқув-услубий мажмуаси Ўзбекистон Республикаси Олий ва ўрта махсус таълим вазирлигининг 017 йил мартдаги 17-сонли буйруғига асосан тайёрланган

Археология ва гидрогеология.
Ёдгорликнинг ичимлик суви ва деҳқончилик учун зарур бўлган ирригация (ариқ, канал, дарё) шаҳобчалари гидрогеология фани асосида ўз ечимини топади.
Археология ва биологик фанлар.
Биологик фанлардан ботаника ва зоология археология фанига энг яқин фанлар қаторига киради.
Палеоботаника.
Ўсимликлар тарихи билан шуғулланувчи ботаника фанининг тармоғи. Бу фанга манбани археология беради. Тадқиқотлар натижасида топиладиган ўсимликлар қолдиқлари ва уруғлари мисолида ўсимликлар тарихи ўрганилади. Иш услуби жуда оддий бўлиб, ўсимликлар уруғлари кўп ҳолатда кўзга ташланмайди, тупроққа қўшилиб археологнинг назарига тушмаслиги аниқ. Шунинг учун пол устидаги маданий қатлам сувга солинади ва эритиб қўйилади. Сув юзасига ўсимлик қолдиқлари қалқиб чиқади. Улар қуритилиб, микроскопда қандай ўсимлик қолдиғи ёки уруғи эканлиги аниқланади. Фаннинг шу соҳаси билан шуғулланувчи олимни палеоботаник деб атайди.
Палеозоология.
Ҳайвонат дунёси тарихи билан шуғулланадиган фан соҳаси. Бу фанга ҳам асосий манбани археология беради. Ҳайвон суяклари асосида илмий тадқиқотлар олиб борилади. Шу фан тури бўйича шуғулланувчи олим палеозоолог деб аталади. Ўз навбатида палеозоологлар ҳам шуғулланувчи ҳайвон турларига қараб бўлиниб кетади. Жумладан, тўртламчи давр ҳайвонлари, қушлар, сув ҳайвонлари тарихи билан шуғулланувчи мутахассисларга бўлинади.

Маъруза 6. АРХЕОЛОГИЯДА ТЕХНОЛОГИК КАШФИЁТЛАР

РЕЖА;

1. Археологик даврлаштириш
2. Палеолит даври технологик кашфиётлари
3. Мезолит, неолит ва энеолит даври технологик кашфиётлари
4. Жез ва темир даври технологик кашфиётлари
ТАЯНЧ СЎЗЛАР ВА ИБОРАЛАР
Археология, хронология палеолит, мезолит, неолит, энеолит, жез, илк темир, чоппинг, чоппер, бифас, неклуес, тош қуроллар, макролит, микролит, ва ҳ. к.
АННОТАЦИЯ
Кишилик жамиятининг моддий маданияти эволюциясида палеолит, мезолит, неолит, энеолит, бронза даври, илк темир даври, антик давр, ўрта асрлар даврларида қилинган технологик кашфиётлар ва уларнинг моҳиятини характерлаш. Қурол ясашни билиши (тош, суяк, дарахт навдаси). Типлари. Эволюцияси. Ҳўжалик ишларидаги технологик кашфиётлар. Типлари. Эволюцияси. Қурилиш ишларидаги технологик кашфиётлар ва бошқалар. Типлари. Эволюцияси.