Фаннинг долзарблиги

Патологоанатомик диагноз, уни тузиш қонун-қоидалари
Диагноз ҳақида тушунча. Диагнознинг турлари: клиник, патологоанатомик, эпидемиологик ва суд табобати диагнозлари. Диагнознинг вазифалари. Диагнознинг таркибий қисми, ёзилиш тартиби ва вақти. Диагноз тузишнинг қонун-қоидалари, ундаги нозологик, интранозологик, патогенетик тартиб. Диагнознинг таркибий қисми: асосий касаллик, асосий касалликнинг асоратлари, йўлдош касалликлар ва унинг асоратлари. Асосий касалликнинг халқаро таърифи, унинг монокаузал ва комбинацияланган турлари. Асосий касалликнинг рақобатлашган касалликлар, қўшилиб келувчи касалликлар, асос бўлувчи касалликлар кўринишидаги турлари. Асосий касалликнинг асоратлари ва бевосита ўлим сабаблари ҳақида тушунча.


Патологоанатомик эпикриз ва танатогенез
Патологоанатомик эпикриз, яъни мурдани ёришда кузатилган ва аниқланган ўзгаришларни клиник-анатомик жиҳатдан таҳлил қилиш ва патологоанатомик диагноз кўринишида умумлаштириш. Эпикризнинг таркибий қисми: касалликнинг этиологияси, патогенези, клиник кўринишлари ва уларнинг ривожланиш бирин-кетинлиги, бошқа ўхшаш касалликлар билан таққосланиши. Патологоанатомик эпикризни тузишдаги қоидалар, яъни асосий касалликнинг негизини кўрсатиш, клиник ва патологоанатомик диагнозларни солиштириш, клиник диагнознинг қачон қўйилганлиги, тартиби, тўғрилигини аниқлаш, даволаш ва диагностика мақсадида ўтказилган муолажаларни таҳлил қилиш, танатогенезни аниқлаштириш ва тиббий патоморфозга баҳо бериш.


Ўлим сабабининг тиббий гувоҳномаси ва уни расмийлаштириш қоидалари
Жаҳон Соғлиқни Сақлаш Ташкилотининг ўлим ҳақидаги тиббий гувоҳнома формаси, унинг қисмлари ва тўлдирилиш қоидалари. Тиббий гувоҳноманинг ўлим сабаблари ёзиладиган қисми, унинг I- ва II-асосий қисмлари, уларнинг номланиши. Перинатал ўлим ҳақидаги халқаро тиббий гувоҳнома формаси, унинг тўлдирилиш вақти, тартиби ва қоидалари. Перинатал ўлим сабабларининг тўлдирилиш тартиби ва бирин-кетинлиги. Ўлим ҳақидаги врачлик гувоҳноманинг ким томонидан тўлдирилиш қоидалари.