Фаннинг долзарблиги

Фаннинг долзарблиги

Ушбу дастур Давлат таълим стандарти ва умумий амалиёт шифокорини тайёрлаш дастури асосида тузилган, тиббиёт олий ўқув юртларининг талабаларига патология (патологик анатомия ва патологик физиология) фанини таълим бериш учун мўлжалланган. Дастур патологияинг асосий бўлимларини ўз ичига олиб,одам организмида кечадиган патологик жараёнлар ва касалликларнинг этиологияси, патогенези ва хужайра, тукима ва аъзолардаги структур узгаришларни ўрганиш учун зарур бўладиган билимларни эгаллаб олишга имконият беради. Бу ўз навбатида организмнинг фаолиятини ва унинг атрофи мухит билан мулоқатини чуқурроқ тушиниб етишга асос яратади.

Шунингдек, бу фан талабаларда мутахассисликка оид тафаккур ва дунёқарашни шакллантиришда катта аҳамиятга эгадир. Фаннинг вазифаси организмда кечаётган патофизиологик ва морфологик жараёнлар, уларнинг асослари, қонуниятларини ўзлаштириб, касалликлар патогенезининг молекуляр механизмлари, касалликларининг олдини олиш ва даволашнинг патогенетик асослари, касалликларни ташхис қилиш ва даволаш самарадорлигини назорат қилишга ўргатиш ҳамда бўлғуси умумий амалиёт шифокорларида клиник фикрлаш, касаллик ва унинг белгиларини асослаш учун замин яратиб беради.


Фаннинг ўқув режадаги бошқа фанлар билан
ўзаро боғлиқлиги ва услубий жиҳатдан узвийлиги

Патологияфани тиббий-биологик фанлар мажмуасига тааллуқли бўлиб, барча бакалавриат факультетлар талабалари учун Vва VI семестрларда ўқитилади. Дастурни амалга ошириш ўқув режасида режалаштирилган тиббий биологик(одам анатомияси, гистология, биофизика, нормал физиология, биоорганик, анорганик ва биологик кимё) фанлардан етарли билим ва кўникмаларга эга бўлишлик талаб этилади.

Патология фанидан олинган билимларига асосланиб, терапия,хирургия, урология, акушерлик-гинекология, неврология ва бошқайўналишдаги клиник фанларни ўзлаштириш учун асос бўлади.


Фаннинг илм-фан, иқтисодиётва ишлаб чиқаришдаги ўрни

Патология фани умумий амалиёт шифокорида тиббий билимлар асосини шакллантиришда энг муҳим фанлардан биридир. У бошқа заминий фанлар билан биргаликда организм тўғрисида яхлит маълумот бериш, шу билан бирга талабада клиник фикр юритишни ривожланишини таъминлайди