Fani bo’yicha O’quv-uslubiy majmua

Auditning asosiy tushunchalari

Tushuncha	Mohiyati
Miqdoriy baholashga moyil ma’lumot	Auditning maqsadidan kelib chiqib tekshirish uchun olinadigan ma’lumot
Xo’jalik tizimi	Audit o’tkazish chegaralari
Dalillar yig’ish va baholash	Audit o’tkazish usullarini qo’llash va yetarli isbot olish
Yetarli bilimga ega, vakolatli mustaqil shaxs	Tekshirish o’tkazayotgan shaxsning bilimi va o’z kasbi ustasi ekanligi
Fikrlar berish	Olingan natijalar haqida ma’lumot berish

Keltirilgan tushunchalar auditga berilgan umumiy ta’rif bo’lib, mulkning turli ko’rinishlari mavjud sharoitda auditning turlarini aniqroq o’rganib chiqish zarurligini uqtiradi.

1.7.O’zbekiston Respublikasining moliyaviy nazorat tizimida auditning tutgan o’rni.
Mustaqil auditorlik moliyaviy nazorat balans ma’lumotlarining to’g’riligini, amalga oshirilgan muomalalarning qonuniyligini shartnoma asosida nazorat qiladi. Nodavlat sektoridagi korxona va tashkilotlarga ham shartnoma asosida hisob va moliya masalalari bo’yicha maslahat (konsultaqiya) beradi.
Rivojlangan mamlakatlarda mustaqil auditorlik tashqi moliyaviy nazoratning asosiy shakli bo’lib hisoblanadi va u keng profilli taftishchilar tomonidan amalga oshiriladi.