Fan va texnika tarixi

Nazorat savollari:

1. 
   Fan-texnika taraqqiyoti bosqichlarini ta’riflang.
   
2. 
   Fan –texnika inqilobi ishlab chiqarishning tarmoqlarining kengayishiga sabab bo’lgan omillarni ko’rsating.
   

3- savolning bayoni:
Ilmiy – texnika inqilobi ishlab chiqaruvchi kuchlarning tub sifat va o’zgarishlarida fanning ishlab chiqaruvchi omili bo’lishi XX asrning o’rtasidan boshlangan. Fan –texnika inqilobi mehnatning mazmuni, xarakteri va sharoitini, ishlab chiqaruvchi kuchlar strukturasini, mehnat taqsimotini, jamiyatning professional strukturasini o’zgartirdi. Mehnat unumdorligining oshishiga olib keladi, jamiyat xayotining hamma tomonlariga, madaniy-maishiy hayotga, inson psixologiyasiga ta’sir ko’rsatadi. Xodimlarning ma’lumot darajasi, malakasi, madaniyati, uyushqoqligi va ma’suliyatiga katta talablarni qo’yadi.
Elektron hisoblash mashinalari fan –texnika inqilobining ramzi hisoblanib, uning paydo bo’lishi inson funktsiyalarini asta-sekinlik bilan mashinalarga berishga, ishlab chiqarish va boshqaruvchi kompleksni avtomatlashtirishga olib keldi. Xozirgi davrda fan–texnika inqilobi quyidagi xususiyatlari bilan ajralib turadi; fanning bevosita ishlab chiqaruvchi kuchga aylanishi; shu bilan bog’liq ravishda ijtimoiy mehnat taqsimotida yangi davrning boshlanishi; mehnatning xarakteri va mazmunida ijodiy elementlarning kuchayishi; yangi energiya manbalari yordamida sun’iy materiallarning yaratilishi; axborotning ijtimoiy va iqtisodiy sohalardagi ahamiyatining ortib borishi; ommaviy kommunikatsiya vositalarining misli ko’rilmagan taraqqiyoti; umumiy va maxsus ta’lim hamda madaniyat darajasining o’sishi; fanlararo o’zaro bog’liq murakkab muammolarni kompleks xal qilish; ijtimoiy fanlar rolining ortishi; ijtiomiy taraqqiyotning keskin tezlashishi; planeta miqyosida integratsiyalashuv; ekologik muammolarning paydo bo’lishi va u bilan bog’liq holda jamiyat-tabiat tizimini ilmiy boshqarishning zarurligi.
Fan-texnika inqilobi global muammoga aylangan ayrim salbiy oqibatlarni ham keltirib chiqardi. Bu muammolar (xalqaro terrorizm, ekologiya, demografiya, energiya tanqisligi bilan bog’liq va boshqalar) ni xal qilish uchun jaxon ommasi barcha kuchlarini birlashtirishi taqozo etiladi.