Фан ва тараққиёт

РАИС: Илмий котибга саволлар борми? – Йўқ.
Сўз диссертациянинг асосий қисмларини баён қилиш учун тадқиқотчи Аликабулов Шухрат Абдумаликовичга МАРҲАМАТ!

МАЪРУЗА

РАИС: Доклад тугади. Саволлар бўлса марҳамат!

1. 
   Проф. Розиқов Комил Холиқович
   

САВОЛ: Шухратжон! Ишингиз жуда долзарб. Чунки юртимизда жуда катта қурилиш ишлари олиб борилмоқда.
Ҳар қандай модданинг экологик хоссалари структурасига боғлиқ.
Ишингизда ИК-спектрдан фойдалангансиз. Нима учун ЭПР, рентгенограммалардан фойдаланмагансиз?
ЖАВОБ: Биз қурилиш битумларини ИК-спектрда структурасини ўргандик. Шу билан бирга бошқа усуллардан ҳам фойдаландик. Айнан сиз этаётган усуллар, спетрларни келгуси ишимизда албатта қўллаймиз.
САВОЛ: Шу нефт қолдиқларини қайта ишлаётганда қандай захарли моддалар чиқади? Экологияга таъсири қандай?
ЖАВОБ: Биз экологияга таъсир этмаслиги учун 10%гина қўшганмиз.

2. 
   Доцент Солиев Рустам Хакимжонович
   

1-САВОЛ: сиз том ёпиш материалингизга ишлатилаётган ингредиентларни қаердан оласиз?
2-САВОЛ: Сиз ишлатаётган ингредиентларингиз бир бири билан мос тушадими?
1-ЖАВОБ: Биз ишлатилган оқартирувчи гилни- Фарғона нефтни қайта ишлаш заводидан оламиз. У мойларни адсорбцион тозалашда ишлатиладиган адсорбент. Яъни мойлардаги чиқиндиларни ўзига ютиб олади. мойларни тозалаш жараёнида чиқинди сифатида чиққан гилни оламиз.
Фенол экстрактини ҳам худди шу заводдан - мойларни фенолли тозалаш қурилмасидаги қолдиғини оламиз.
Нефтшламини эса – нефтни қайта ишлаш, қазиб олиш ва ташиш каби ишлаб чиқариш жараёнида нефтшлами ҳосил бўлади. Нефтшлами таркибида асфальт смоласи, ён занжирли ва смолали олтингугуртли бирикмалар борлиги битумларининг эксплуатацион хоссаларини яхшилайди.
2-ЖАВОБ: Албатта биз биринчи бўлиб уларнинг бир бири билан мос тушишини ўргандик. Яъни уларни турли органик эритувчиларда эритиб, вақт ўтиши билан эриш тезлигини аниқладик. Биз гептан, этил эфири, скипидар, толуол, бензол, хлороформларда синаб кўрдик. Энг яхши эритувчи толуол бўлди. Эрувчанлик параметрлари бир бирига мос бўлди.