Фан ва тараққиёт

Расмий оппонентлар: т.ф.д., катта илмий ходим. Собиров Боходир Бойпулатович
к.ф.д., проф.Акбаров Хамдам Икрамович
Етакчи ташкилот: Фарғона политехника институти
РАИС: Кун тартибига қандай ўзгартириш ва таклифлар бор? Кун тартиби тасдиқлансин, деган таклиф бор. Ким шу таклифга қўшиламан деса, овоз беришингизни сўрайман.
Ким қарши? – Йўқ. Ким бетараф? – Йўқ. Бир овоздан қабул қилинди.
Кун тартибини кўриб чиқишга ўтамиз.
РАИС: Кўрилаётган 1-масала бўйича тадқиқотчининг шахсий варақасидаги материаллар билан таништириш учун сўз илмий котибимизга. МАРҲАМАТ!
ИЛМИЙ КОТИБ: Ушбу иш «Фан ва тараққиёт» ДУК қошидаги илмий-техник кенгаш ва илмий кенгаш қошидаги илмий семинар йиғилишида тингланиб, ижобий баҳоланган.
Бундан ташқари Сизларга шуни маълум қиламизки, авторефератнинг электрон нусхаси “Ziyo NET” ахборот тармоғи парталига ва ўзимизнинг ташкилотимизнинг веб-сайтига жойлаштирилган. Энди рухсат берсангиз Аликабулов Шухрат Абдумаликовичнинг шахсий варақаси билан таништирсам.
Аликабулов Шухрат Абдумаликович 1984 йилда Жиззах вилояти Зомин туманида туғилган. 2011 йилда Тошкент Архитектура Қурилиш Институти магистратурасини “Бинолар, шаҳар ҳудудларини комплекс қайта қуриш, тиклаш ва улардан фойдаланиш” ихтисослиги бўйича тамомлаган.
У 2012 йилдан Жиззах политехника институти “Бино ва иншоотлар қурилиш” кафедраси ассистенти лавозимида ишлаган. Ҳозирда шу кафедрада катта ўқитувчи лавозимида ишлаб келмоқда. ЎзР ФА Умумий ва ноорганик кимё институти “Нефт кимёси” лабораториясида мустақил изланувчи сифатида фаолият юритмоқда.
Аликабулов Шухрат Абдумаликович 02.00.07 – Композицион, лок-бўёқ ва резина материаллари кимёси ва технологияси ихтисослиги бўйича “Маҳаллий хомашёлардан фойдаланиб композицион қурилиш битумларини олиш технологиясини ишлаб чиқиш” мавзусида техника фанларидан фалсафа доктори (PhD) илмий даражасини олиш учун тайёрлаган диссертация иши “Умумий ва ноорганик кимё институти”да бажарилган бўлиб, “Умумий ва ноорганик кимё институти” лабораториялараро кенгашда 2020 йил 3-ноябрда мухокама этилган ва «Фан ва тараққиёт» ДУК ҳузуридаги DSc.03/30.12.2019.K/T.03.01 рақамли Илмий кенгашда семинарга тавсия этилган.
Ш.А.Аликабулов оилали.