Фан: Педагогика

@ Гул ДУ

КИРИШ

Республикамизда амалга оширилаётган маънавий ва ижтимоий-иқтисодий ислоҳотларнинг замонавий босқичи ўқувчи шахси шаклланишида мустақиллик ва эркинликни таъминлашнинг янги қирралари очиб берилаётганлиги билан тавсифланади. Бу борадаги миллий таълим моделимизнинг асосий ғояси ва мазмуни «Таълим тўғрисида»ги қонун ҳамда «Кадрлар тайёрлаш миллий дастури»да ўз ифодасини топган.
Ўқувчи шахсининг касбий билим олишдаги йўналишни ихтиёрий танлаши учун шароит яратишда, аввало, уни мустақил, эркин фикрловчи шахс сифатида шакллантириш муаммосининг ечими ўқитувчи томонидан таълимни замонавий педагогик технологиялар асосида ташкил этишга боғлиқдир.
Республикамизда «Таълим тўғрисида»ги Қонун, «Кадрлар тайёрлаш Миллий дастур» ва Давлат таълим стандартлари талабларига мос келадиган янги таълим технологияларини яратиш долзарб муаммога айланди. Анъанавий таълим тизимидан фарқли равишда, таълимни янги педагогик технологиялар асосида ташкил этишда дарслар самарали натижа бериб, ўқувчиларни бевосита ўқишга бўлган қизиқишини оширади.
Мазкур ўқув-услубий мажмуада замонавий педагогик технологияларнинг Ўзбекистонда кенг тарқалган ва кўпчилик олимлар томонидан маъқулланган ёндашувга асосланган ҳолда ўқувчиларни касбга йўналтириш технологияси фанининг илмий-назарий билимлар ҳамда ўқув-методик тавсиялар баён этилган.
Ўқув-услубий мажмуада янги педагогик технологияларнинг такомиллаштирилган қоидаларга амал қилиниб, ҳар бир мавзу бўйича асосий саволлар, таянч тушунча ва иборалар, тегишли мақсадлар тизими, уларнинг мазмунда акс эттирилишига алоҳида эътибор қаратилган.
МЕҲНАТ ВА УНИ ЎҚИТИШ МЕТОДИКАСИ ФАНИ БЎЙИЧА
ТАЪЛИМ ТЕХНОЛОГИЯЛАРИНИ ИШЛАБ ЧИҚИШНИНГ КОНЦЕПТУАЛ АСОСЛАРИ


КУРСНИНГ МАҚСАД ВА ВАЗИФАЛАРИ
1.1. Фаннинг мақсади талабаларга меҳнат ва уни ўқитиш методикасидан дарсларни ташкил этиш шакллари, ўқувчиларни меҳнатга ўргатишда иш турларининг мазмун ва мохияти. Иш турлари, меҳнат жараёнлари ҳақида тушунчалар. Касб-ҳунарга йўналтириш. Иш қуроллари, техник воситаларидан фойдаланиш қоидалари. Бошланғич меҳнат таълими элементлари билан таништириш ва амалда фойдаланиш қоидаларини ўргатиш.