Фан бўйича талабаларнинг билим, кўникма ва малакаларига қўйиладиган талаблар

6.2. Харид манбасини танлаш
Илгарилари харидларнинг асосий қисми кўчма автодўконларда амалга оширилар эди. Қулай ва қиммат бўлмаган товарларни етказиб бериш методлари кенг тарқалди, бироқ чакана савдо дўконлари ўз устуворликларини сақлаб қолдилар. Кейинги йилларда товарларни истеъмолчилар хонадонларида сотувчи чакана сотувчилар ва фирмалар орасидаги рақобат кучайиб бормоқда. Ушбу муаммо маркетинг учун катта қизиқиш уйғотмоқда.
Кейинги 100 йил мобайнида чакана савдо дўконларига ташриф буюриш (шоппинг) америкаликларнинг энг севимли машғулоти бўлиб қолди. Товарларни хонадонларда сотиш сўзсиз муваффақиятларга эришмоқда ва бу ҳолатни рақамларда кўрсатиш мумкин, бироқ 90% харид қилинган товарлар қиймат кўриниши нуқтаи назаридан чакана савдо, каталоглар, кўргазмалар ва савдо автоматларига тўғри келмоқда. Инсонлар нима учун дўконларга ташриф буюришади? Бунда асосий мотив бўлиб ахборот олиш ҳисобланади. Дўконларга ташриф буюришнинг мотивлари шахсий ва ижтимоий мотивларга бўлинади.
Шахсий мотивлар
Ўз ролини бажариш.
Кўпчилик хатти-ҳаракатлар анъанавий тарзда маълум бир ижтимоий ролнинг қисми бўлган таниқли хулқ-атвор типлари билан боғлиқдир – она, хотин, эр, талаба.
Кўнгил очишлар.
Дўконларга ташриф буюриш кундалик турмуш ташвишларидан ҳоли бўлиш имконини беради ва шундай қилиб дам олиш шакли ҳисобланади.
Ўзидан қониқиш.
Турли хил эмоционал ҳолатлар ва кайфиятлар кишиларнинг дўконларга нима учун (ва қачон) боришларини тушунтириб беришлари мумкин. Айрим кишиларнинг гапиришларича, улар ўзларига пул сарфлашиб кўпинча депрессияни камайтиришади. Ушбу ҳолда дўконга бориш эҳтиёж билан эмас, балки ўз-ўзича бирор нарсани харид қилиш билан тушунтирилади.
Янги тенденцияларни ўрганиш.
Товарлар ҳар бир кишининг кундалик ҳаётига кириб кетган ва кўпинча ишонтиришлар белгиси ва турмуш тарзи сифатида хизмат қилади. Инсон тенденциялар, ҳаракатлар ва белгиларни ўрганади, чунки улар дўконга ташриф буюргандаги у ёки бу маҳсулотларга мос келишади.