Фан бўйича талабаларнинг билим, кўникма ва малакаларига қўйиладиган талаблар

Туғилиш - ушбу даврдаги 1000 кишига тўғри келувчи тирик туғилган болалар сони билан ифодаланади.
Фертиллик (фертилликнинг мутлоқ даражаси) - 1000 та аёлга (15 ёшдан 44 ёшгача) тўғри келувчи тирик туғилган болалар сони билан ифодаланади. Фертиллик айрим ҳолларда махсус ёшлар учун (масалан, 30 ёшдан 39 ёшгача бўлган аёллар учун) белгиланади. Бу нарса вақт бўйича таққослашни енгиллаштириш ёки турли ёшдаги фертилликдаги фарқни кўриш учун амалга оширилади.
Фертиллик даражаси - бир хил ёшдаги аёллар томонидан туғилган болаланинг жами сони билан ифодаланади. 1910 йилда 50-54 ёшдаги аёлларнинг фертиллик даражаси 4,1 га тенг бўлган, 1990 йилда эса бу кўрсаткич 3,0 га тенг бўлган ва кейинги йилларда бу кўрсаткичнинг камайиши кузатилмоқда.
Абсолют фертиллик - ушбу йилдаги маълум ёш учун туғилиш даражасига нисбатан аёллар ҳаётининг туғиш мумкин бўлган давридаги туғилиши мумкин бўлган болаларнинг ўртача сони билан ифодаланади.
Ушбу катталик сунъий катталик бўлиб, мураккаб кўринади лекин туғилишни ифодаловчи фойдали катталик ҳисобланади, чунки ҳозирги вақтда аёллар қанча фарзандга эга деган саволга жавоб беради. Кўпчилик ривожланаётган малакатларда фойдали катталик кўрсаткичи 6 га тенг, АҚШ да эса бу кўрсаткич 1,8 га тенгдир. Европада ва бир қатор ривожланган малакатларда фертилликнинг абсолют даражаси анча пастдир. Туғилиш меъёри фертиллик даражаси билан бир хил бўлиб у 2,1 га тенгдир. Туғилиш меъёри туғиш мумкин бўлган даврдаги ўртача битта аёлга тўғри келадиган болалар сонини ифодалайди ва у болалар ўлимини эътиборга олган ҳолда аҳолини ўрнини тўлдиришни таъминлайди.
Энг юқори туғилиш 1000 кишига 52 та Кенияда ва энг кам туғилиш 1000 кишига 10 киши Данияда ҳисобланади. Данияда аҳоли йилдан-йилга камайиб бормоқда.
Туғилишни табиий кўпайиш билан янглиштирмаслик лозим. Табиий кўпайиш ушбу даврдаги туғилишларнинг ўлимлардан юқори бўлишини англатади. Муҳим кўрсаткичлардан бири бўлиб ўсиш ҳисобланади ва у табиий кўпайиш ҳамда асосий аҳолига нисбатан фоизларда ифодаланган соф миграция натижасида юзага келади.