Fan Biologiya Mavzu: Odam genetikasi. Vaqt 45 daqiqa Darsning maqsadi: Ta’limiy maqsad

2- topshiriq. Odam genetikasi faning asosiy tarmoqlarini Klaster usulida ifodalang va ma’lumot bering.

Odam genetikasi

fani tarmoqlari




1. Tibbiyot genetikasi.

2. Farmokologik genetika.

3. Sitogenetika.

4. Immunogenetika.

5. Biokimyoviy genetika.

6 Pedagogik genetika.

7. Demografik genetika.

8. Genetik injeneriya.

Bu topshiriqda ham ko’proq tarmoq yozib, to’g’ri ma’lumot bergan guruhlar yuqori baholanadi.

1. Tibbiyot genetikasi-irsiy kasalliklarga erta tashhiz qo’yish, ularning oldini olish,

davolash usullarini belgilash, odam salomatligini saqlash kabi vazifalar bilan shug’ullanadi. Tug’ilayotgan farzandlarning 4,5% i turli irsiy kasalliklar bilan tug’ilmoqda.Epilepsiya, shizofreniya, kretinizm, gemofiliya, bronxial astma shunday xastaliklardir.

2. Farmokologik genetika-ham odam genetikasining bir tarmog’i sifatida turli dorilarning, chunonchi antibiotiklarning odam organizmiga ko’rsatgan ta’sirini tadqiq qiladi.

3. Sitogenetika-odam irsiyatining moddiy asosi bo’lmish xromosomalarning tashqi va ichki tuzilishini tadqiq qiladi.

4. Immunogenetika-esa immunitet reaksiyalarining amalga oshishida irsiyatning rolini o’rganadi.

5. Biokimyoviy genetika- yordamida irsiyatining molekulyar asoslari, modadalar almashishi, u bilan bog’liq belgi- xossalarning rivojlanishi o’rganiladi.

6 Pedagogik genetika- bolalardagi ota –onadan berilgan irsiy qobiliyat, iqtidorlik, iste’dodning yoshga qarab o’zgarishini tadqiq qilib, pedagoglarga ma’lum tavsiyalar beradi.

7. Demografik genetika-odamdagi ayrim belgi- xossalarning ( masalan, qon guruhlarning) jahon aholisi orasida qanday tarqalganligini aniqlash bilan shug’ullanadi.

8. Genetik injeneriya- irsiy kasalliklarga tashhiz qo’yish, davolash va oldini olish imkoniyatlari bilan shug’ullanadi.