Фан ҳАҚида қИСҚача маълумот

ФАН ҲАҚИДА ҚИСҚАЧА МАЪЛУМОТ
Мазкур ўқув фани Ўзбекистон Республикасида лойиҳаларни бошқариш Давлат таълим стандарти асосида ишлаб чиқилган бўлиб, унда лойиҳа бошқаруви соҳасидаги халқаро андозага асосланган билимлар келтирилади. Мазкур ўқув курси ижтимоий-иқтисодий соҳада амалга оширилаётган барча лойиҳаларни бошқаришда жалб этилган мутахассислар ҳамда олий ўқув юртларида бакалавр ва магистрлар учун мўлжалланган. Унда замонавий лойиҳа бошқарувидаги асосий тушунчалар, лойиҳа бошқарувчиси ва унинг жамоа аъзолари учун зарур бўлган билим ва кўникмалар ҳамда лойиҳаларни амалга оширишда зарур бўлган ҳужжатларни тайёрлаш, маълумотларни таҳлил қилиш каби билимларни ўргатишга қаратилган.
Курснинг мақсади – талабаларга аниқ ва тушунарли тарзда лойиҳа бошқарувининг асослари, ундаги асосий босқичлар ва билимлар соҳасини ўргатишдан иборат.
Ушбу мақсадга эришиш учун фан талабаларни назарий билимлар, амалий кўникмалалар, иқтисодий ҳодиса ва жараёнларга услубий ёндашув ҳамда илмий дунёқарашини шакллантириш вазифаларини бажаради.
Фан бўйича талабаларнинг билим, кўникма ва малакаларига қуйидаги талаблар қўйилади. Талаба:

• 
  халқаро андозалар ва улар ўртасидаги боғлиқлик ҳамда уларнинг фарқли томонларини тўғрисида тасаввурга эга бўлиши;
  

• 
  лойиҳаларни бошқаришдаги дунё тажрибаларни ўрганган ҳолда ўзига хос хусусиятларни билиши ва улардан фойдалана олиши;
  
• 
  лойиҳаларни бошқаришда асосий босқичлар ҳамда ҳужжатларни тайёрлаш жараёнлари бўйича зарурий кўникмаларига эга бўлиши керак.