Falsafa” kafedrasi «G‘oyalar falsafasi» fanidan o‘quv-uslubiy majmua toshkent-2011

Milliy g‘oya va mafkura — taraqqiyot tayanchi. Vatanimiz mustaqilligining ma’naviy asoslarini mustaxkamlash, milliy qadriyatlarimiz, an’ana va urf-odatlarimizni asrab-avaylash, xalqimiz, ayniqsa, yosh avlod qalbi va ongiga ona yurtga muxabbat, istiqlolga sadoqat tuyg‘ularini chuqur singdirish masalasi bugungi kunda tobora dolzarb axamiyat kasb etmoqda. Shu munosabat bilan O‘zbekiston Respublikasi Prezidentining “Milliy g‘oya targ‘iboti va ma’naviy-ma’rifiy ishlar samaradorligini oshirish to‘g‘risida”gi 2006 yil 25 avgustda qabul qilgan qarori e’tiborga molikdir. Chunki xalqaro maydonda mafkuraviy, g‘oyaviy va informasion kurashlar kuchayib borayotgan xozirgi murakkab va taxlikali davrda ma’naviy-ma’rifiy ishlarni zamon talablari asosida tashkil etish, yoshlarimizni turli xil mafkuraviy xurujlardan ximoya qilish, yurtdoshlarimizning xayotga ongli munosabatini shakllantirish, yon-atrofda yuz berayotgan voqealarga daxldorlik xissini oshirish, mamlakatimiz mustaqilligi, tinch-osoyishta xayotimizga xavf tug‘dirishi mumkin bo‘lgan tajovuzlarga qarshi izchil kurash olib borish vazifasi ushbu soxadagi ishlarni qayta ko‘rib chiqishni taqozo etdi.
Ushbu qarorga ko‘ra Respublika Ma’naviyat va ma’rifat kengashida “Milliy g‘oya va mafkura ilmiy-amaliy markazi” tashkil etildi. Markazning asosiy vazifalari sifa­tida:
— milliy g‘oya va mafkura masalasi bilan bog‘liq dolzarb muammolarni, bugungi murakkab mafkuraviy jarayonlarni ilmiy-amaliy jixatdan atroflicha taxlil qilish va baxolash, ustuvor yo‘nalishlarini aniqlash, ularning axoli turli qatlamlariga ta’sirini o‘rganish, milliy manfaatlarimizga, xayot tarzimizga zid bo‘lgan zararli g‘oyalar va mafkuraviy xurujlarning moxiyatini ochib berish;
— xalqimizning ko‘p asrlik ma’naviyati va milliy qadriyatlari, diniy qarashlari va xayotiy udumlariga, yoshlarimizning ongini zaxarlab, ma’naviy jixatdan qaram etishga qaratilgan mafkuraviy xatarlarga qarshi samarali kurash olib borish bo‘yicha ilmiy-amaliy dasturlarni ishlab chiqish kabi bir qator masalalar belgilandi¹.