Ф. Жуманова, С. Авазова, Г. Жобборова, У. Хуснетдинов

Катталардан 
кичикларга 
ижтимоий-
тарихий 
тажрибани 
ўтказиш 
Тарбиянинг мақсади: 
Шахсни 
шакллантириш ва 
ривожлантириш 
(камол топтириш) 
Болаларни
фаол ижтимоий
ва шахсан муҳим 
фаолиятга 
тайёрлаш 
4.7-расм. Тарбиянинг мақсади 

---

117 
“Тарбия” тушунчаси педагогика ва хусусий методикада, шунингдек 
бошқа ижтимоий фанларда тарбия жараёнининг айрим таркибий қисмлари ёки 
йўналишларини ифодалаш учун ҳам ишлатилади. Масалан, “жисмоний тар-
бия”, “ахлоқий тарбия”, “экологик тарбия”, “меҳнат тарбияси” ва ш.к. 
Ўз-ўзини тарбиялаш – тарбия жараёнининг асоси сифатида инсоннинг 
ўзини-ўзи камол топтиришга, мустақил ўқишга ва ўзида ижобий фазилатларни 
ривожлантириш ва салбийларини бартараф этишга қаратилган тушуниб етил-
ган, мақсадли, собитқадам фаолиятидир.
 
4.3. Педагогик жараён ва унинг тузилмаси 
 
Педагогик жараён деганда кўпинча ўқув-тарбия ёки таълим-тарбия 
жараёни тушунилади. Немис педагоги А. Дистервег таълим ва тарбияни ўза-
ро узвий боғлиқ яхлит жараён сифатида тушунган: “таълим тамойиллари мав-
жуд экан, тарбия тамойиллари ҳам ҳамиша мавжуд бўлади ёки аксинча”. Пе-
дагогик жараённинг яхлитлик ғояси К.Д. Ушинский, П.Ф. Лесгафт,
Н.Ф. Бу-
наков ва бошқаларнинг маърифий ғояларида чуқур ўз аксини топган. 
Педагогик жараён муаммоси билан П.Ф. Каптерев алоҳида шуғулланиб,
қуйидаги хулосаларга келган: “таълим, ўқитиш, ўқиш, тарбия, панд-насиҳат, 
ўгит ва бошқа бир қатор сўзлар турли хусусиятлар, жиҳатлар, воситалар ва ва-
зиятларни ифодалайди, лекин улар биргаликда яхлит педагогик жараёндир”. 
Демак, педагогик жараён - педагогик фанининг энг муҳим, асосий тушунча-
ларидан бири бўлиб, унга яхлитлик, яъни таълим, тарбия ва шахс камолоти 
жараёнларининг ўзаро бирлиги ва шартланганлиги хосдир.