Ф. Жуманова, С. Авазова, Г. Жобборова, У. Хуснетдинов

3. Профессонал таълим - ихтиёрийлик асосида касб-ҳунар мактабла-
рида, кўп тармоқли коллежларда ва техникумларда ҳамда ушбу йўналиш-
даги таълим ташкилотлари томонидан амалга 
оширилади. 
Профессонал (касбий) таълим эгалланган касблар ва мутахассислик-
лар бўйича ишлаш ҳуқуқини берадиган бошланғич касбий таълим (касб-
ҳунар мактаби), ўрта касбий таълим (коллеж) ва ўрта махсус касбий таъ-
лим (техникум) беради. 
4. Олий таълим - юқори малакали мутахассислар тайёрлашни таъмин-
лайди. Олий маълумотли мутахассислар тайёрлаш олий ўқув юртларида (уни-
верситетлар, академиялар, институтлар ва бошқа олий таълим муассасалари-

---

309 
да) умумий ўрта ва ўрта махсус, шунингдек профессонал таълим асосида амал-
га оширилади. 
Олий таълим икки босқичга: давлат томонидан тасдиқланган намунада-
ги олий маълумот тўғрисидаги ҳужжатлар билан далилланувчи бакалавриат ва 
магистратурага эга. 
Бакалавриат олий таълим йўналишларидан бири бўйича пухта билим бе-
радиган, ўқиш муддати камида уч йил бўлган таянч олий таълимдир. 
Магистратура аниқ мутахассислик бўйича бакалавриат негизида камида 
бир йил давом этадиган олий таълимдир. 
5. Олий ўқув юртидан кейинги таълим - жамиятнинг илмий ва илмий-
педагогик кадрларга бўлган эҳтиёжларини таъминлашга қаратилгандир. Олий 
ўқув юртидан кейинги таълим олий ўқув юртлари ва илмий-тадқиқот муасса-
саларида (таянч докторантура, докторантура, мустақил изланувчилик) оли-
ниши мумкин. Илмий ва илмий-педагогик кадрларни тайёрлаш, илмий даража 
ва илмий унвонлар бериш тартиби қонун ҳужжатларида белгиланади. 
6. Кадрларни қайта тайёрлаш ва уларнинг малакасини ошириш икки 
йўналишда амалга оширилади: 
1) кадрларни қайта тайёрлаш - илмий-техник тараққиёт, ишлаб чиқа-
риш ва ижтимоий соҳадаги таркибий ўзгаришларни инобатга олган ҳолда 
ҳамда фуқароларнинг шахсий эҳтиёжларидан келиб чиқиб касбий фао-
лиятнинг қўшимча турларини амалга ошириш учун зарур ҳажмдаги билим 
ва кўникмаларни эгаллашни таъминлайди;
2) кадрлар малакасини ошириш - касбий билим ва амалий кўникма-
ларни замонавий талаблар асосида чуқурлаштириш ҳамда янгилаб бо-
ришни таъминлайди, шунингдек, ходимларнинг тоифа, даража, разряд ва 
лавозимлари ўсишига хизмат қилади.
Кадрлар малакасини ошириш ва уларни қайта тайёрлаш тартиби Ўзбекис-
тон Республикаси Вазирлар Маҳкамаси томонидан белгиланади.